ఐపీఎల్ మ్యాచ్ లో #R

ఆడియెన్స్ ఓపికకు పరీక్ష పెట్టడంలో రాజమౌళి తరువాతే ఎవరైనా.. ఒక సినిమా అనుకున్నారంటే చాలు చుట్టూ పక్కల వాళ్లు మొత్తం ఆయన సినిమా గురించి మాట్లాడుతారు కానీ ఆయన మాత్రం కొంచెం కూడా బయటపెట్టనివ్వరు. సినిమాకు సంబంధించిన ఒక చిన్న అప్డేట్ ఇవ్వడానికి ఎంతో ఆలోచిస్తారు. అభిమానులు కూడా ఆయన సినిమాల కోసం చాలా ఎదురుచూస్తుంటారు. ఎంత హైప్ క్రియేట్ చేసినా కూడా జక్కన్న నిరాశపరచడు అనేది అందరికి తెలిసిందే.

ఇకపోతే జక్కన్న నెక్స్ట్ ప్రాజెక్ట్ #RRR కోసం అభిమానులు ఎంతగా ఎదురుచూస్తున్నారో స్పెషల్ గా చెప్పనవసరం లేదు. అయితే జక్కన్న రీసెంట్ గా స్క్రిప్ట్ నుంచి కొంచెం బ్రేక్ తీసుకోని ఎంజాయ్ చేయడం మొదలు పెట్టారు. నిన్న హైదరాబాద్ లో జరిగిన ఐపీఎల్ మ్యాచ్ కి వచ్చి సన్ రైజర్స్ జట్టుకు మద్దతు పలికాడు. చెన్నై సూపర్ కింగ్స్ ఆటగాడు అంబటి రాయుడు బ్యాటింగ్ ను చూసి క్లాప్స్ కూడా కొట్టాడు. ఆ తరువాత హైదరాబాద్ జట్టు జెండా పట్టుకొని ఉత్తేజపరుస్తూ అభిమానుల్ని ఆకట్టుకున్నాడు.

మ్యాచ్ చూడటానికి రాజమౌళితో పాటు కార్తికేయ సంగీత దర్శకుడు ఎమ్.ఎమ్. కీరవాణి కూడా వచ్చారు. మ్యాచ్ ను ఎంజాయ్ చేస్తూ అభిమానుల్ని కూడా ఉత్తేజపరిచారు. ప్రస్తుతం అందుకు సంబంధించిన ఫొటోలు వీడియోలు సోషల్ మీడియాలో వైరల్ గా మారాయి. ఇక జక్కన్న #RRR ప్రాజెక్ట్ కోసం అప్పుడప్పుడు రామ్ చరన్ - తారక్ ని కలుస్తూనే ఉన్నాడు. త్వరలోనే ఆ సినిమాకు సంబంధించిన అధికారిక ప్రకటనను రాజమౌళి తెలుపనున్నారు.