హాలీవుడ్ డైరెక్ట‌ర్ ని దేవుడితో పోల్చిన రాజ‌మౌళి!

హాలీవుడ్ లో ప్ర‌ఖ్యాత ద‌ర్శ‌కుడిగా పేరు గాంచిన ద‌ర్శ‌కుడు స్టీవెన్ స్పీల్ బ‌ర్గ్‌. జురాసిక్ పార్క్ సిరీస్‌, ఇండియానా జోన్స్ వంటి సినిమాల‌తో ప్ర‌పంచ వ్యాప్తంగా గుర్తింపుని సొంతం చేసుకుని ద‌ర్శ‌కుడిగా త‌న ప్ర‌త్యేక‌త‌ను చాటుకున్నారు. అలాంటి ప్ర‌ఖ్యాత ద‌ర్శ‌కుడు స్టీవెన్ స్పీల్ బ‌ర్గ్ ని ద‌ర్శ‌క‌ధీరుడు రాజ‌మౌళి దేవుడితో పోల్చరు. కీర‌వాణితో క‌లిసి స్టీవెన్ స్పీల్ బ‌ర్గ్ లో ఫొటో పంచుకున్న రాజ‌మౌళి ఆ ఫొటోని సోష‌ల్ మీడియా వేదిక‌గా అభిమానుల‌తో పంచుకున్నారు.

దానికి క్యాప్ష‌న్ గా 'ఇప్పుడే దేవుడిని క‌లిశాను' అంటూ పోస్ట్ చేయ‌డంతో ప్ర‌స్తుతం స్టీవెన్ స్పీల్ బ‌ర్గ్ తెఓ కీర‌వాణి, రాజ‌మౌళి దిగిన ఫొటోలు నెట్టింట వైర‌ల్ గా మారాయి. రాజ‌మౌళి అత్యంత ప్ర‌తిష్టాత్మ‌కంగా తెర‌కెక్కించిన పాన్ ఇండియా వండ‌ర్ మూవీ 'RRR'. ప్ర‌పంచ వ్యాప్తంగా రికార్డు స్థాయి విజ‌యాన్ని సొంతం చేసుకోవ‌డ‌మే కాకుండా రూ. 1200 కోట్ల‌కు మించి వ‌సూళ్ల‌ని రాబ‌ట్టి తెలుగు సినిమా స‌త్తా ఏంటో 'బాహుబ‌లి' త‌రువాత మ‌రో సారి యావ‌త్ ప్ర‌పంచానికి చాటి చెప్పింది.

విదేశీ ప్రేక్ష‌కుల్ని, హాలీవుడ్ న‌టీన‌టుల్ని, టెక్నీషియ‌న్ ల‌ని సైతం విశేషంగా ఆక‌ట్టుకున్న ఈ మూవీ గ‌త కొన్ని రోజులుగా ప‌లు అంత‌ర్జాతీయ వేదిక‌ల‌పై ప్ర‌తిష్టాత్మ‌క పుర‌స్కారాల‌ని ద‌క్కించుకుంటూ స‌త్తా చాటుతోంది. ఈ నేప‌థ్యంలో రీసెంట్ గా హాలీవుడ్ ప్ర‌ముఖులు అత్యంత ప్ర‌తిష్టాత్మ‌కంగా భావించే గోల్డెన్ గ్లోబ్ పురస్కారాల్లో 'నాటు నాటు' సాంగ్ కు గానూ బెట్ ఒరిజిన‌ల్ సాంగ్ విభాగంలో గోల్డెన్ గ్లోబ్ అవార్డుని ద‌క్కించుకున్న విష‌యం తెలిసిందే.

ఇందులో భాగంగా కుటుంబ స‌మేతంగా అమెరికా వెళ్లిన రాజ‌మౌళి, ఆయ‌న సోద‌రుడు, సంగీత ద‌ర్శ‌కుడు కీర‌వాణి ఇద్ద‌రే యూనివ‌ర్స‌ల్ పార్టీలో పాల్గొన్నారు. హాలీవుడ్ కు చెందిన ప‌లువురు ప్ర‌ముఖులు పాల్గొన్న ఈ పార్టీలో సంద‌డి చేశారు. ఈ పార్టీలోనే రాజ‌మౌళి, కీర‌వాణి ప్ర‌ముఖ హాలీవుడ్ ద‌ర్శ‌క దిగ్గ‌జం స్టీవెన్ స్పీల్ బ‌ర్గ్ ని ప్ర‌త్యేకంగా క‌లిశారు. ఆయ‌న‌తో కాసేపు ప్ర‌త్యేకంగా ముచ్చ‌టించారు. అనంత‌రం స్పీల్‌ బ‌ర్గ్ తో క‌లిసి ఫొటోలు దిగారు. ఆ ఫొటోల‌ని సోష‌ల్ మీడియా ట్విట్ట‌ర్ వేదిక‌గా అభిమానుల‌తో పంచుకున్నారు.

'నేను దేవుడిని ఇప్పుడే క‌లిశాను అంటూ త‌న అభిమానాన్ని చాటుకున్నారు. 'గాడ్ ఆఫ్ మూవీస్ గా అభివ‌ర్ణించే స్పీల్ బ‌ర్గ్ ని క‌లిసి ఆయ‌న సినిమాలంటే ఎంత ఇష్ట‌మో చెప్పాన‌న్నారు రాజ‌మౌళి. 'నాటు నాటు' నాకెంతో న‌చ్చింద‌ని ఆయ‌న చెప్పిన మాట‌ల‌ని నేను ఇంకా న‌మ్మ‌లేక‌పోతున్నా' అంటూ కీర‌వాణి వెల్ల‌డించారు. ప్ర‌స్తుతం ఈ పోస్ట్ లు, ఫొటోలు నెట్టింట వైర‌ల్ గా మారాయి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.