యేలేటి కోసం బాహుబలికి సెలవ్

బాహుబలి సాధించిన ఘన విజయానికి మించి రెండో భాగాన్ని సక్సెస్ చేసేందుకు దర్శకుడు రాజమౌళి చాలానే జాగ్రత్తలు తీసుకుంటున్నాడు. ఒక క్లైమాక్స్ చిత్రీకరించేందుకే రెండున్నర నెలల సమయం 30 కోట్ల బడ్జెట్ కేటాయించారంటే.. బాహుబలి ది కంక్లూజన్ ఏ స్థాయి భారీగా ఉంటుందో అర్ధమవుతుంది. అందుకే ఒక్క రోజు కూడా వేస్ట్ కాకుండా షూటింగ్ జరుపుతున్నా.. ఇప్పుడు యేలేటి కారణంగా బాహుబలికి బ్రేక్ పడిపోతోంది.

చంద్రశేఖర్ యేలేటి దర్శకత్వంలో రూపొందిన మనమంతా.. ఆగస్ట్ 5న గ్రాండ్ రిలీజ్ కానుంది. మలయాళ స్టార్ మోహన్ లాల్ నటించిన ఈ మూవీపై అంచనాలు చాలానే ఉండగా.. రాజమౌళి అండ్ టీం కోసం స్పెషల్ స్క్రీనింగ్ ఏర్పాటు చేశారు. దీనికి రాజమౌళితో పాటు కీరవాణి.. రమా రాజమౌళితో పాటు మరికొందరు కూడా హాజరు కానున్నారు. యంగ్ రెబల్ స్టార్ ప్రభాస్ కూడా మనమంతా మూవీ చూడబోతున్నాడని తెలుస్తోంది. ఇటు యేలేటితోను.. అటు నిర్మాత సాయి కొర్రపాటితోను జక్కన్నకి మంచి సాన్నిహిత్యం ఉంది. అందుకే వారు పిలవగానే ఈ షోకి తప్పకుండా వస్తానని చెప్పాడట జక్కన్న.

ఇలా దర్శకుడు సినిమాకి వెళ్లిపోతుండడంతో.. బాహుబలికి బ్రేక్ వేయక తప్పలేదు. బాహుబలి 2 క్లైమాక్స్ షూటింగ్ మొదలయ్యాక కబాలి కూడా బ్రేక్ వేయలేకపోయాడు కానీ.. యేలేటి మాత్రం ఆ పని చేయగలిగాడు. రియల్లీ గ్రేట్.