చ‌ర‌ణ్‌-సుకుమార్ కాంబోపై జ‌క్కన్న ఎగ్జైట్ మెంట్ ఇది!

మెగా ప‌వ‌ర్ స్టార్ రామ్ చ‌ర‌ణ్ క‌థానాయ‌కుడిగా సుకుమార్ ద‌ర్శ‌క‌త్వంలో మరో మాస్ట‌ర్ పీస్ తెర‌కెక్కుతున్నట్లు మీడియా క‌థ‌నాలు వెడెక్కిస్తోన్న సంగ‌తి తెలిసిందే. 'రంగ‌స్థ‌లం' కాంబినేష‌న్ మ‌రోసారి చేతులు క‌ల‌పుతున్నారంటూ ఫిలిం స‌ర్కిల్ లో సైతం పెద్ద ఎత్తున చ‌ర్చ సాగుతోంది. ఈ ద్వ‌యం భారీ విజ‌యంపైనే క‌న్నేసి ప‌క్కా ప్ర‌ణాళిక‌తో రంగంలోకి దిగుతున్న‌ట్లు హాట్ హాట్ చ‌ర్చ న‌డుస్తోంది.

ఇది ఇప్ప‌ట్లో జ‌రిగేది కాద‌ని తెలుసు. కానీ ఎగ్జైట్ మెంట్ మాత్రం అంత‌కంత‌కు పెరిగిపోతుంది. ముందుగా రామ్ చ‌ర‌ణ్ త‌న 15వ సినిమా పూర్తి చేయాలి. అటుపై 16వ సినిమాని బుచ్చిబాబు సాన ద‌ర్శ‌క‌త్వంలోనూ పూర్తి చేయాలి.

అటు సుకుమార్ పుష్ప‌-2 పూర్తి చేసి రిలీజ్ చేయాలి. ఇలా ఇద్ద‌రు ఇంత బిజీగా ఉన్నా? ఆ కాంబో పై మాత్రం వార్త‌లు వ‌స్తూనే ఉన్నాయి.

మ‌రి వీటిలో నిజ‌మెంత‌? ఇద్ద‌రు నిజంగానే చేతులు క‌లుపుతున్నారా? అంటే ద‌ర్శ‌క శిఖ‌రం రాజ‌మౌళి ఎగ్జైట్ మెంట్ ని బ‌ట్టి నిజ‌మ‌నే అనిపిస్తుంది. బాలీవుడ్‌కి చెందిన ఓ ప్రముఖ సినీ విమర్శకుడితో ఇటీవల జరిగిన సంభాషణలో రాజమౌళి ఈ విషయాన్ని రివీల్ చేసారు. తన RRR స్టార్ రామ్ చరణ్ - సుకుమార్ కాంబినేషన్‌లో రానున్న ఒక చిత్రం కోసం చాలా ఎగ్జైట్ మెంట్ తో ఎదురుచూస్తున్న‌ట్లు తెలిపారు.

'ఈ సినిమా ఓపెనింగ్ సీక్వెన్స్‌ని చరణ్ వివరించినప్పుడు.. నేను ఆశ్చర్యపోయాను. అప్పుడే చరణ్-సుక్కుల ఈ కాంబో పై నేను ఓ అంచ‌నాకి వ‌చ్చేసాను అని రాజ‌మౌళి చెప్ప‌డం విశేషం. దీంతో చ‌ర‌ణ్‌-సుకుమార్ ప్రాజెక్ట్ ప‌క్కా అని తెలుస్తోంది.

'రంగ‌స్థ‌లం' స‌హా 'పుష్ప' స‌క్సెస్ తో రాజ‌మౌళి సుకుమార్ కంటెంట్ పై ఎగ్జైట్ మెంట్ పెంచుకున్న‌ట్లు తెలుస్తోంది. అంత‌కుముందు సుకుమార్-ఎన్టీఆర్ కాంబినేష‌న్ లో వ‌చ్చిన 'నాన్న‌కు ప్రేమ‌తో' సినిమా విష‌యంలోనూ జ‌క్క‌న్న త‌న సంతోషాన్నిసోష‌ల్ మీడియా వేదిక‌గా పంచుకున్నారు. సుకుమార్ ప‌నిత‌నాన్నిప్ర‌శంసిస్తూ ఆస‌క్తిక‌ర పోస్టులే పెట్టారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.