జక్కన్న ఆస్ర్టేలియా టూర్ ఎందుకంటే

బాహుబలి ది కంక్లూజన్ షూటింగ్ కి ఇప్పుడు బ్రేక్ పడిన మాట వాస్తవమే. ఈ సమ్మర్ లో ఎండలు విపరీతంగా ఉండడం, కొన్ని చోట్ల 45 డిగ్రీలకు మించి టెంపరేచర్ నమోదు అవుతుండడంతో.. బాహుబలికి బ్రేక్ ఇచ్చేశారు. మే 1 నుంచి జూన్ 15వరకు లాంగ్ సమ్మర్ హాలీడేస్ ప్రకటించేశారు. మరి ఈ టైంలో టాలీవుడ్ దర్శకధీరుడు జక్కన్న ఏం చేస్తారు?

ఈ సమ్మర్ హాలిడేస్ ని పర్సనల్ టూర్ ప్లాన్ చేశాడు రాజమౌళి. తన ఫ్యామిలీతో కలిసి ఆస్ట్రేలియా టూర్ వెళ్లేందుకు ప్లాన్ చేశాడట. ఆస్ట్రేలియాలోని ప్రధాన ప్రాంతాలన్నిటినీ పర్యటించేలా ఈ టూర్ ఉంటుందని అంటున్నారు. సమ్మర్ లో ఎక్కువ కాలం జక్కన్న అండ్ ఫ్యామిలీ ఆస్ట్రేలియాలోనే గడుపుతారు. ఇక బాహుబలి ప్రధాన యూనిట్ కూడా సమ్మర్ వెకేషన్స్ కి వెళుతున్నారు.

బాహుబలి పాత్రధారి ప్రభాస్ అయితే.. యూఎస్ టూర్ వెళుతున్నాడట. కొన్ని వారాలపాటు అమెరికాలో ఉంటాడని తెలస్తోంది. ఇక బాహుబలి నిర్మాత శోభు యార్లగడ్డ కూడా లాంగ్ టూర్ కి అబ్రాడ్ వెళుతున్నారు. అయితే.. ఇంత సుదీర్ఘమైన సెలవలు ఇచ్చినా.. సినిమా రిలీజ్ పై మాత్రం బాహుబలి యూనిట్ నమ్మకంతో ఉంది. ఎట్టి పరిస్థితుల్లలోనూ ఏప్రిల్ 14, 2017 న బాహుబలి ది కంక్లూజన్ విడుదల అవుతుందని చెబుతున్నారు. ఇప్పటికే కొన్ని ప్రధాన సన్నివేశాల షూటింగ్ పూర్తి చేయడమే ఇందుకు కారణం.