జ‌క్క‌న్న‌కి శ్రియ న‌చ్చింద‌ట‌

త‌న స్క్రిప్టుకి ఎవ‌రు అవ‌స‌ర‌మైతే వాళ్ల‌నే ఎంచుకొంటుంటాడు రాజ‌మౌళి. స్టార్ క‌థానాయ‌కులు సైతం ``రాజ‌మౌళి త‌న సినిమాల్లో చిన్న పాత్ర ఇచ్చినా చేయ‌డానికి మేం సిద్ధం`` అని చెబుతుంటారు. అలాగ‌ని రాజ‌మౌళి అస్స‌లు తొంద‌ర‌ప‌డ‌డు. తాను ఊహించిన పాత్ర‌కి ఎవ‌రు సూట‌వుతార‌నుకుంటే వాళ్ల‌నే ఎంపిక చేసేస్తుంటాడు. అలా ఇప్పుడు బాహుబ‌లి 2లోని ఓ పాత్ర కోసం శ్రియ‌ని ఎంపిక చేశాడ‌ట రాజ‌మౌళి. అందులో రానా పోషిస్తున్న భ‌ల్లాల‌దేవ పాత్ర‌కి భార్య‌గా శ్రియ కనిపించ‌బోతోంద‌ని స‌మాచారం. ఫస్ట్ పార్ట్‌ లో రానా కొడుకుని చూపించాడు కానీ... భార్య‌ని మాత్రం చూపించ‌లేదు. అయితే రెండో పార్ట్‌ లో మాత్రం ఆ పాత్ర క‌నిపించాల్సి వుంద‌ట‌. అందులో ఎవ‌రైతే బాగుంటుందా అని ఆలోచించిన‌ప్పుడు శ్రియ గుర్తుకొచ్చింద‌ట‌.

శ్రియ ఇదివ‌ర‌కు రాజ‌మౌళి ద‌ర్శ‌క‌త్వంలో ఛ‌త్ర‌ప‌తిలో న‌టించింది. ఆ అనుబంధంతో ఆమెకే క‌బురు పెట్టాడు రాజ‌మౌళి. ఇటీవ‌లే రామోజీ ఫిల్మ్‌సిటీలో రానా - శ్రియ‌ల మ‌ధ్య ఫొటో షూట్ కూడా చేయించిన రాజ‌మౌళి పెయిర్ బాగుంద‌ని కూడా సంతృప్తి ప‌డ్డాడ‌ట‌. త్వ‌ర‌లోనే బాహుబ‌లి టీమ్‌ తో శ్రియ జాయిన్ అవ్వ‌బోతోంద‌ని స‌మాచారం. శ్రియ ఎంట్రీతో బాహుబ‌లి2లో క‌థానాయిక‌ల సంఖ్య మూడుకి చేరిన‌ట్ట‌యింది. ప్ర‌స్తుతం రామోజీ ఫిల్మ్‌సిటీలో బాహుబ‌లి 2 యుద్ధానికి సంబంధించి ట్రైనింగ్‌ ప‌నులు జ‌రుగుతున్న‌ట్టు తెలిసింది.