అవేంజర్స్ దర్శకుల లిస్ట్ లో రాజమౌళి

RRR ఆర్ సినిమా బాక్స్ ఆఫీస్ వద్ద సక్సెస్ అయిన తర్వాత ఇండియా సినిమా స్థాయి ప్రపంచవ్యాప్తంగా భారీ స్థాయిలో మరింత పెరిగిపోయింది. RRR సినిమాను నెట్ ఫ్లిక్స్ లో చాలామంది విదేశీయులు చూసి సోషల్ మీడియాలో చాలా పాజిటివ్ గా స్పందించారు. కేవలం సాధారణ జనాలు మాత్రమే కాకుండా హాలీవుడ్ సెలబ్రిటీలు కూడా ఈ సినిమాను చూసిన తర్వాత దర్శకధీరుడు రాజమౌళి పై కూడా భారీ స్థాయిలో ప్రశంసలు కురిపించారు.

అలాగే నటీనటులపై కూడా వారు స్పందించిన విధానం అందరికీ ఆశ్చర్యాన్ని కలిగించింది. ఇక రీసెంట్గా ప్రముఖ హాలీవుడ్ దర్శకులు కూడా మరొకసారి సినిమా గురించి మాట్లాడుతూ ఇండియన్ సినిమాలో చాలా మంచి నటీనటులు టెక్నీషియన్స్ ఉన్నారు అని వివరణ ఇవ్వడం విశేషం.

ప్రస్తుతం అందుకు సంబంధించిన వీడియో కూడా సోషల్ మీడియాలో వైరల్ గా మారుతుంది. ఇక ఆ దర్శకులు మరెవరో కాదు అవెంజర్స్ సినిమాలతో దర్శకులుగా మంచి గుర్తింపు అందుకున్న రస్సో బ్రదర్స్.

ఇక వారి గురించి ప్రత్యేకంగా చెప్పనవసరం లేదు. ఇక వీరు ఇటీవల ది గ్రే మ్యాన్ సినిమా ప్రమోషన్స్ లో భాగంగా భారతదేశానికి రావడం జరిగింది. ఇక ప్రమోషన్ లో వాళ్లు త్వరలోనే ఇండియాలో కూడా కొంతమంది నటీనటులతో కలిసి వర్క్ చేయాలని అనుకుంటున్నాము అని మనసులో మాటను చెప్పారు. ఇండియాలో చాలా గొప్ప నటులు ఉన్నారు అని అలాగే టెక్నీషియన్స్ కూడా చాలా ఉన్నతంగా ఆలోచిస్తున్నట్లు తెలియజేశారు.

ఈ క్రమంలో RRR సినిమా చూసామని దర్శకుడు రాజమౌళితో కూడా తమకు పని చేయాలని ఉంది అని అలాగే సినిమాలో నటినట్లు కూడా చాలా అద్భుతంగా నటించినట్లుగా అవేంజర్స్ దర్శకులు వివరణ ఇవ్వడం అభిమానులను ఎంతగానో ఆకట్టుకుంటుంది. సోషల్ మీడియాలో కూడా నేటిజన్స్ వారికి అందుకు సంబంధించిన వీడియోను సోషల్ మీడియాలో షేర్ చేసుకుంటూ రాజమౌళి పై ప్రశంసలు కురిపిస్తున్నారు. మరి వారి మాటలపై జక్కన్న ఏమైనా వివరణ ఇస్తారో లేదో చూడాలి.