దీపికపై కన్నేసిన రాజమౌళి

రాజమౌళికి హీరోయిన్లు ఒక పట్టాన నచ్చరు. బాగా కాచి వడపోసిన తర్వాతే.. తన సినిమాల్లో హీరోయిన్స్‌ ని ఫైనలైజ్‌ చేస్తుంటారు. అలాంటి రాజమౌళి ఇప్పటివరకు తన సినిమాల్లో ఒకే ఒక్క హీరోయిన్‌ ని రిపీట్‌ చేశాడు. ఆమె అనుష్క శెట్టి. అనుష్కతో మొదట విక్రమార్కుడు సినిమా చేశాడు జక్కన్న. ఆ తర్వాత బాహుబలి సినిమా చేశాడు. దేవసేన పాత్రలో అనుష్కని తప్ప మరో హీరోయిన్‌ ని తాను ఊహించుకోలేనని ఇప్పటికే చాలాసార్లు చెప్పాడు.

అయితే.. రీసెంట్‌ గా కాఫీ విత్‌ కరణ్‌ జోహార్‌ కార్యక్రమంలో కరణ్‌ జోహార్‌ ఇదే ప్రశ్న లేవనెత్తాడు. ఒకవేళ అనుష్క కాకపోతే.. దేవసేన పాత్రలో ఎవరు అయితే బావుంటారు అని అడిగాడు. దానికి దీపిక పదుకునే అయితే బావుంటుందని ఆన్సర్‌ ఇచ్చాడు రాజమౌళి. హిందీ ఇండస్ట్రీకి వెళ్తే.. అక్కడ ఏదైనా సినిమా తీస్తే..దీపికనే హీరోయిన్‌ గా తీసుకోవాలని రాజమౌళి చాలాసార్లు అనుకున్నాడు. అంతెందుకు తాను మహాభారతం తీస్తే.. అందులో ద్రౌపది పాత్రలో దీపిక అయితే బావుంటుందని గతంలో చాలాసార్లు చెప్పాడు. చూస్తుంటే.. ఎక్కడో రాజమౌళికి దీపిక బాగా కనెక్ట్‌ అయినట్లు ఉంది. ఆరడుగుల అతిలోకసుందరి కదా.. దీపిక పదుకునే ఎవ్వరికైనా నచ్చాల్సిందే మరి. అందుకు దర్శకధీరుడు రాజమౌళి ఏం మినహాయింపు కాదు కదా.