ఫ్యాన్స్ దెబ్బ‌కు త‌ల ప‌ట్టుకుంటున్న ద‌ర్శ‌క‌ధీర‌

ఇద్ద‌రు స్టార్ హీరోల‌తో మ‌ల్టీస్టార‌ర్ చేయ‌డం అంత ఆషామాషీ వ్య‌వ‌హారం కాదు. ఇద్ద‌రికి సినిమాలో స‌మాన ప్రాధాన్య‌త ఇవ్వాలి. అలా జ‌ర‌గ‌లేదో ఫ్యాన్స్ నుంచి పెద్ద‌ స్థాయిలో వ్య‌తిరేక‌త‌ను ఎదుర్కోక త‌ప్ప‌దు. ఇప్పుడు అలాంటి త‌ల‌నొప్పులే ద‌ర్శ‌క‌ధీరుడు ఎస్.ఎస్.రాజ‌మౌళి ఎదుర్కొంటున్నారు.

త‌ను ఏ సినిమా చేసినా ప్రారంభం నుంచే ఈ సినిమా ప్ర‌మోష‌న్ ని విభిన్నంగా ప్లాన్ చేస్తూ ప్రేక్ష‌కుల్లో ఆ ప్రాజెక్ట్ ప‌ట్ల ఆమితాస‌క్తిని.. ఎక్స్ పెక్టేష‌న్స్ ని పెంచేయ‌డం ఆయ‌న ప‌ద్ధ‌తి. `మ‌ర్యాద రామ‌న్న‌` నుంచి రాజ‌మౌళి ఇదే స్ట్రాట‌జీని మెయింటైన్ చేస్తున్నారు. ఈ ప‌ద్ధ‌తి క్లిక్క‌య్యింది. వ‌రుస బ్లాక్ బ‌స్ట‌ర్ల‌ను ఆయ‌న‌ సొంతం చేసుకుంటున్నారు. బాహుబ‌లి ఫ్రాంఛైజీకి ఇది ఇండియా లెవ‌ల్లో వ‌ర్క‌వుటైంది.

అయితే ఇప్పుడా స్ట్రాట‌జీని ఫాలో కావాలంటే రాజమౌళికి భ‌య‌మేస్తోంద‌ట‌. కార‌ణం రామ్ చ‌ర‌ణ్‌ - ఎన్టీఆర్ ల అభిమానులే. ఈ క్రేజీ స్టార్ల‌తో జ‌క్క‌న్న `ఆర్ ఆర్ ఆర్‌` లాంటి భారీ మ‌ల్టీ స్టార‌ర్ చిత్రాన్ని తెర‌కెక్కిస్తున్న విష‌యం తెలిసిందే. పాన్ ఇండియా స్థాయిలో రిలీజ్ ప్లాన్ చేసిన‌ ఈ సినిమా ఫ‌స్ట్ లుక్ ని విడుద‌ల చేయాలంటే జ‌క్క‌న్న భ‌య‌ప‌డుతున్నార‌ట‌. ఎక్క‌డ అభిమానులు మా హీరోని త‌క్కువ చేసి చూపించావంటే మా హీరోని త‌క్కువ చేసి చూపించావ‌ని సోష‌ల్ మీడియా వేదిక‌గా చ‌ర‌ణ్ - తార‌క్ ఫ్యాన్స్ ఎక్క‌డ కొట్టుకుంటారో నని.. అది సినిమాను ఎక్క‌డ కిల్ చేస్తుందోనని జ‌క్క‌న్న భ‌య‌ప‌డుతున్నార‌ట‌. ఇప్ప‌టికే `ఆర్ ఆర్ ఆర్‌` ఫ‌స్ట్ లుక్‌ ని విడుద‌ల చేయాల‌నుకున్నా అభిమానుల ఫిక‌ర్ కార‌ణంగా జంకుతున్నార‌ట జ‌క్క‌న్న‌. 2020 జూలై 30న ఆర్.ఆర్.ఆర్ చిత్రం రిలీజ్ కానుంది.