రాజమౌళి రికమండేషన్ వలనే చేశాడా?

తెలుగు ప్రజలే కాదు.. మొత్తం భారతదేశం గర్వించదగిన మ్యూజిక్ డైరెక్టర్లలో ఎం.ఎం.కీరవాణి పేరు తప్పకుండా ఉంటుంది. తెలుగువారి కీర్తిని మారుమోగేలా చేసిన బాహుబలి విజయంలో కీరవాణి బ్యాక్ గ్రౌండ్ స్కోరు చాలా కీలకం. సుదీర్ఘ కాలం సంగీత దర్శకుడిగా పనిచేసి ఎన్నో విజయాలు ఖాతాలో వేసుకున్న కీరవాణి ఈ మధ్య ఇకపై సినిమాలు లిమిటెడ్ గా చేస్తానని ఆ మధ్య స్టేట్ మెంట్ ఇచ్చాడు.

తాజాగా కీరవాణి జువ్వ అనే తక్కువ బడ్జెట్ సినిమాకు మ్యూజిక్ అందించారు. ఇంత చిన్న సినిమాకు అంత పెద్ద మ్యూజిక్ డైరెక్టర్ పనిచేయడం టాలీవుడ్ లో చాలామందిని ఆశ్చర్య పరిచింది. కౌంట్ తగ్గించుకుంటానన్న కీరవాణికి నచ్చేంత కంటెంట్ అందులో ఏముందన్న ఆసక్తి తలెత్తింది. టాలీవుడ్ దిగ్గర్శకుడు.. కీరవాణికి దగ్గర బంధువు అయిన ఎస్.ఎస్.రాజమౌళి రికమండేషన్ వల్లనే జువ్వ సినిమాకు కీరవాణి మ్యూజిక్ ఇచ్చారని తెలిసింది. జువ్వ సినిమాకు దిక్కులు చూడకు రామయ్య ఫేం త్రికోటి దర్శకుడు. ఈయన రాజమౌళికి సీనియర్. అప్పట్లో రాజమౌళి ఆయనను ఇంటర్వ్యూ కూడా చేశాడు.

దర్శకుడు త్రికోటికి కెరీర్ లో ఇంతవరకు సరైన బ్రేక్ రాలేదు. దాంతో జువ్వ సినిమాపై చాలా ఆశలు పెట్టుకున్నాడు. ఇప్పుడు రాజమౌళి పుణ్యమా అని కీరవాణి ఈ మూవీకి మ్యూజిక్ ఇవ్వడం స్పెషల్ అసెట్ అయ్యే అవకాశం ఉంది. రంజిత్‌ - పాలక్‌ లల్వాని ఇందులో హీరో హీరోయిన్లుగా నటించారు.