గోవిందానికి జక్కన్న ప్రశంసలు

విజయ్ దేవరకొండ తాజా చిత్రం 'గీత గోవిందం' నిన్నే రిలీజ్ అయింది. రివ్యూస్, మౌత్ టాక్ పాజిటివ్ గా ఉండడంతో బాక్స్ ఆఫీస్ దగ్గర సందడి తీసుకొచ్చింది. ఇప్పటికే విజయ్ రూపంలో టాలీవుడ్ కు కొత్త స్టార్ వచ్చాడని అంటున్నారు. ఇదిలా ఉంటే ఈ సినిమాకు ప్రముఖుల ప్రశంసలు కూడా లభిస్తున్నాయి. స్టార్ డైరెక్టర్ SS రాజమౌళి 'గీత గోవిందం' పై ప్రశంసల జల్లు కురిపించాడు.

సినిమా చూసిన అనంతరం తన ట్విట్టర్ ఖాతా ద్వారా స్పందించిన జక్కన్న ఇలా ట్వీట్ పెట్టాడు. "గీత గోవిందం ఓ నవ్వుల హరివిల్లు. అర్జున్ రెడ్డి తర్వాత విజయ్ దేవరకొండ కు ఇదొక ఎవరూ ఊహించని - సూపర్బ్ ఛాయిస్. తనేం చేస్తున్నాడో విజయ్ కు పూర్తిగా అవగాహన ఉంది. సినిమా లో మంచి ఫన్ మూమెంట్స్ తో పాటు ఫుల్ గా ఉన్న అతి చిన్న డీటెయిల్స్ ఆకట్టుకుంటాయి. దర్శకుడు పరశురామ్ ది మంచి రచన.. సినిమాను కూడా చక్కగా హ్యాండిల్ చేశాడు."

జక్కన్న ప్రశంసలకు 'గీత గోవిందం' టీమ్ ఫుల్ గా హ్యాపీస్.. పరశురామ్ దానికి రిప్లై ఇస్తూ "సర్.. మీదగ్గరనుండి ప్రశంసలు అందుకోవడం మా అదృష్టం.. మీరు ఈ సినిమాను ఎంజాయ్ చేయడం మాకు చాలా సంతోషం. థ్యాంక్ యు వెరీ మచ్ సర్." మరో వైపు విజయ్ జక్కన్నకు ఇలా రిప్లై ఇచ్చాడు "సార్ మీరు సినిమాను ఎంజాయ్ చేశామని చెప్పడం మాకు సూపర్ హ్యాపీ. మీ వద్దనుండి లభించే అభినందనలు మాకు ప్రత్యేకమైనవి."

ఇంకేం ఇంకేం ఇంకేం కావాలే.. చాలే ఇది చాలే జక్కన్న సారు ప్రశంసలు చాలే..!