రాజమౌళి.. ఇక మహేష్ కోసం వేట మొదలు!

భారీ బడ్జెట్, భారీ తారాగణం, అంతకుమించి భారీ అంచనాల మధ్య వచ్చిన ఆర్ఆర్ఆర్ మూవీ ఎంత పెద్ద హిట్టో అందరికీ తెలిసిందే. అలాంటి హిట్ సినిమాకు దేశవ్యాప్తంగా ఎన్నో ప్రశంసలు దక్కాయి. ఇక ఒక్కో అవార్డు అందుకుంటూ వస్తోంది ఆర్ఆర్ఆర్ మూవీ. ఇందులోని నాటు నాటు పాట గోల్డెన్ గ్లోబ్ అవార్డు సహా పలు అవార్డులను సాధించింది. అయితే ఈ క్రమంలోనే గోల్డెన్ గ్లోబ్ అవార్డులకు ఆర్ఆర్ఆర్ చిత్ర బృందం వెళ్లి అవార్డు అందుకుంది. ఎంఎం కీరవాణి ఈ గోల్డెన్ గ్లోబ్ అవార్డు అందుకున్నారు.

గోల్డెన్ గ్లోబ్ సహా క్రిటిక్స్ ఛాయిస్ అవార్డు, లాస్ ఏంజెల్స్ క్రిటిక్స్ అసోసియేషన్ అవార్డు అందుకున్న తర్వాత కీరవాణి, రాజమౌళి తొలిసారిగా హైదరాబాద్ కు చేరుకున్నారు. వీరికి ఎయిర్ పోర్టులో ఘనస్వాగతం లభించింది. అక్కడే వారు మీడియాతో మాట్లాడారు.

అంతర్జాతీయ స్థాయిలో అవార్డు అందుకోవడం సంతోషంగా ఉందని తెలిపారు. అయితే ఓ వారం రోజులు దర్శకధీరుడు రాజమౌళి విశ్రాంతి తీసుకుంటారు. ఈ తర్వాత తన ఫోకస్ అంతా మహేష్ బాబుతో తాను తీయబోయే సినిమాకు స్క్రిప్టు రెడీ చేయడంపై దృష్టి పెట్టనున్నట్లు తెలుస్తోంది.

మహేష్ బాబుతో సినిమాకు కథను తన తండ్రి విజయేంద్ర ప్రసాద్ రాస్తున్నట్లు రాజమౌళి గతంలోనే తెలిపారు. అయితే ఈ సినిమా అడవి నేపథ్యంలో సాగే అడ్వెంచర్ సినిమా అని సమాచారం.

యదార్థ సంఘటనల ఆధారంగానే కథ తీసుకున్నట్లు కథా రచయిత విజయేంద్ర ప్రసాద్ వివరించినట్లు ఫ్రాంచైజీ తరహాలో రూపు దిద్దుతారని తెలుస్తోంది. ఇందులో సీక్వెల్స్ కూడా ఉండొచ్చని, ప్రధాన పాత్రలు అలాగే ఉండి కథలు మార్చే అవకాశం ఉన్నట్లు సమాచారం.

స్క్రిప్టును ఇప్పటికే ప్రారంబించినప్పటికీ.. అది పూర్తి కాకపోవడం వల్ల కథని ఇప్పుడే రివీల్ చేయలేమని రాజమౌళి చెబుతున్నారు. అయితే మహేష్ బాబు ప్రస్తుతం త్రివిక్రమ్ సినిమా ఎస్ఎస్ఎంబీ చిత్రీకరణ నడుస్తోంది. ఈ సినిమా పూర్తవగానే మహేష్ బాబు రాజమౌళి చిత్రంలో నటించనున్నారు. మరి వీరిద్దరి కాంబోలో రాబోతున్న సినిమాపై భారీ స్థాయిలో అంచనాలు నెలకొన్నాయి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.