#గుస‌గుస: RRR ప‌ర్ఫెక్ష‌నిస్ట్ వదిలేట్టు లేడు!

దేశ వ్యాప్తంగా ప్రేక్ష‌కులు అత్యంత ఆస‌క్తిగా ఎదురు చూస్తున్న అత్యంత భారీ చిత్రాల‌లో RRR ఒకటి. కోవిడ్ కారణంగా ఈ మూవీ విడుద‌ల వాయిదా ప‌డుతూ వ‌స్తోంది. తాజాగా మ‌ళ్లీ ఈ మూవీ రిలీజ్ ని మ‌రింత వెన‌క్కి నెట్టిన‌ట్టుగా వార్త‌లు వినిపిస్తున్నాయి. పర్ఫెక్షనిస్ట్ డైరెక్ట‌ర్ రాజమౌళి ఈ చిత్రాన్ని పూర్తి స్థాయిలో ప‌ర్ఫెక్ట్ గా తీర్చి దిద్దిన త‌రువాతే ప్రేక్ష‌కుల ముందుకు తీసుకురావాల‌ని భావిస్తున్నార‌ట‌. అందుకే ఈ మూవీ రిలీజ్ డేట్ ని మ‌రోసారి మార్చే అవ‌కాశం వుంద‌ని తెలుస్తోంది. సంక్రాంతికి లేదా వచ్చే వేసవికి విడుదలపై కూడా ఇంకా స్పష్టత రాలేదు. కోవిడ్ స‌హా ఇతర కారణాల వల్ల షూటింగ్ ఆలస్యం కాకుండా త్వ‌రిత‌గ‌తిన చిత్రీక‌ర‌ణ చేసినా సినిమా వాయిదా వేయడానికి మరో కారణం ఉన్నట్లు తెలుస్తోంది.

దర్శకుడు రాజమౌళి ఓ కీల‌క‌ భాగాన్ని రీషూట్ చేయాలని నిర్ణయించుకున్నార‌ట‌. ఇప్ప‌టి వ‌ర‌కు వరకు రామ్ చరణ్ -ఎన్టీఆర్ నటించిన RRR దాదాపు షూటింగ్ పార్ట్ దాదాపుగా పూర్తి చేసుకుంది. అయితే తారక్, .. బ్రిటీష్ న‌టి ఒలివియా మోరిస్ పాత్రల మధ్య లవ్ ట్రాక్ పై రాజమౌళి సంతృప్తి చెందలేదని వినికిడి. ఒక బ్రిటిష్ మహిళ గిరిజన నాయకుడి ప్రేమకథ సినిమాలో ప్రధాన ఆకర్షణగా నిల‌వాల‌న్న‌ది జ‌క్క‌న్న ఆలోచ‌న‌. అయితే ఆ ల‌వ్ స్టోరీ ట్రాక్ అనుకున్న స్థాయిలో రాలేద‌ని దాన్ని మ‌ళ్లీ రీ షూట్ చేయాల‌ని రాజ‌మౌళి భావిస్తున్నార‌ని తెలిసిందే.

ఇటీవ‌ల తారక్.. బ్రిటీష్ న‌టి ఒలివియా మోరిస్ పాత్రల మధ్య లవ్ స్టోరీ ట్రాక్‌ ని ప‌రిశీలించిన రాజమౌళి పూర్తి సంతృప్తి క‌రంగా లేద‌ని చాలా వరకు రీషూట్ చేయమని బృందాన్ని కోరినట్లు వినికిడి. RRR విడుద‌ల‌ ఆలస్యం కావడానికి ఇది ప్ర‌ధాన కార‌ణంగా చెబుతున్నారు.

ఇప్పటికే ఈ సినిమాపై భీం ఫ‌ర్ రామ‌రాజు.. రామరాజు ఫ‌ర్ భీం టీజర్ లతో హైప్ క్రియేట్ అయ్యింది. అంచనాలు స్కై హైకి చేరుకున్నాయి. ఈ దసరాకి సినిమా విడుదల చేయబోతున్నామంటూ చిత్రబృందం ప్ర‌క‌టించ‌డంతో అభిమానులు సంబ‌రాలు చేసుకున్నారు. కానీ రాజ‌మౌళి తాజా నిర్ణ‌యంతో అయోమ‌యం నెల‌కొంద‌ని తాజాగా ఫిలింస‌ర్కిల్స్ లో గుస‌గుస‌లు వేడెక్కిస్తున్నాయి.