ఇది రాజమౌళి మార్కు ఖర్చు అంటే

కొణిదెల నందమూరి హీరోల అరుదైన కలయికలో వస్తున్న క్రేజీ మల్టీ స్టారర్ ఆర్ ఆర్ ఆర్ గురించి అఫీషియల్ అప్ డేట్స్ లేకపోయినా లీకవుతున్న న్యూస్ మాత్రం ఫ్యాన్స్ ఉత్సాహాన్ని అంతకంతా పెంచేలా ఉన్నాయి. ప్రస్తుతం హైదరాబాద్ లో షూటింగ్ జరుపుతున్న యూనిట్ జూనియర్ ఎన్టీఆర్ పాల్గొనే సీన్స్ తో పాటు 2 వేల మంది జూనియర్ ఆర్టిస్టులతో భారీ యాక్షన్ ఎపిసోడ్ కూడా షూట్ చేస్తున్నారు.

ఇన్ సైడ్ టాక్ ప్రకారం వీటికే సుమారు 45 కోట్ల దాకా ఖర్చు పెడుతున్నట్టు తెలిసింది. ఇది ఓ మీడియం రేంజ్ హీరో మొత్తం సినిమాకయ్యే బడ్జెట్ కన్నా చాలా ఎక్కువ. మొత్తం కలిపి పావు గంట కూడా లేని ఈ ట్రాక్ ఏ రేంజ్ లో ఉండబోతోందో ఊహించుకోవడం కష్టమే. ఇంటర్వెల్ బ్లాక్స్ ని చాలా స్పెషల్ గా ప్లాన్ చేసే ఇందులో మాత్రం టెర్రీఫిక్ గా డిజైన్ చేశాడట

ఆఫ్రికా టూర్ లో ఉన్న రామ్ చరణ్ ఇండియా వచ్చేసాడు. ఇప్పటిదాకా తారక్ తో మాత్రమే రన్ అవుతున్న షెడ్యూల్ లోకి చెర్రీ కూడా అడుగుపెట్టబోతున్నాడు. ఈ ఇద్దరూ కలిసి బ్రిటిషర్ల మీద దాడి చేసే సీన్స్ ఇందులో షూట్ చేయబోతున్నట్టుగా టాక్. అల్యూమినియం ఫ్యాక్టరీలో ప్రత్యేకంగా వేసిన సెట్ లోనే ఇదంతా తీస్తున్నారు. ఫోటోలు వీడియోలు బయటికి రాకుండా జక్కన్న టీమ్ చాలా జాగ్రత్తలు తీసుకుంది. వేలమందితో కూడుకున్న వ్యవహారం అయినప్పటికీ పక్కా ప్లానింగ్ తో కట్టడి చేస్తున్నారు. ఇది ఫినిష్ అయ్యాకే అహ్మదాబాద్ కు ఎప్పుడు వెళ్ళేది క్లారిటీ వస్తుంది