తార‌క్ బ‌ర్త్ డే.. జక్క‌న్న ట్రీట్

యంగ్ య‌మ ఎన్టీఆర్ ప్ర‌స్తుతం ఆర్.ఆర్.ఆర్ చిత్రీక‌ర‌ణ‌లో బిజీగా ఉన్న సంగ‌తి తెలిసిందే. ఇటీవ‌లే గాయం నుంచి కోలుకుని తిరిగి జ‌క్క‌న్న అండ్ టీమ్ తో క‌లిశారు. కొమ‌రం భీమ్ పాత్ర కోసం ప్ర‌త్యేకించి త‌ర్ఫీదు పొందిన తార‌క్ త‌న పాత్ర‌లో ప‌ర‌కాయం చేస్తున్నార‌ని ఆన్ లొకేష‌న్ సిబ్బంది నుంచి స‌మాచారం లీకైంది. ఇక తార‌క్ న‌టించిన సినిమా వీక్షించాలంటే 2020 స‌మ్మ‌ర్ ఎండింగ్ వ‌ర‌కూ ఆగాల్సిందే. అప్ప‌టికి కానీ ఆర్.ఆర్.ఆర్ రిలీజ్ కాదు.

అయితే ఈలోగానే త‌న‌ని క‌లిసేందుకు ఓ ఛాన్స్ ఉన్నా అభిమానులకు ఈసారి నిరాశ త‌ప్ప‌డం లేద‌ని తెలుస్తోంది. యంగ్ టైగ‌ర్ ఎన్టీఆర్ పుట్టిన రోజు మే 20. ఆయ‌న పుట్టిన‌రోజు సంద‌ర్భంగా అభిమాన సంఘాలు త‌ప్ప‌నిస‌రిగా ఆరోజు త‌న‌ని క‌లిసేవారు. అలాగే ప్ర‌పంచ‌వ్యాప్తంగా.. తెలుగు రాష్ట్రాల్లోని అభిమానులు సెల‌బ్రేష‌న్స్ తో జోష్ లో ఉండేవారు. కానీ ఈసారి బ‌ర్త్ డే సెల‌బ్రేష‌న్ కి తార‌క్ దూరంగా ఉండాల‌ని నిర్ణ‌యించుకున్నార‌ట‌. అభిమానుల‌కు ఇప్ప‌టికే ఈ విషయాన్ని తెలియ‌జేశార‌ని దీంతో అంతా నిరాశ‌ప‌డ్డార‌ని తెలుస్తోంది.

ప్ర‌తీ ఏడాది తార‌క్ బ‌ర్త్ డే ను స్పెష‌ల్ గా నిర్వ‌హించేవారు. కానీ ఈసారి వ‌ద్ద‌నుకోవ‌డానికి కార‌ణం కూడా ఉంది. గ‌త ఏడాది అర‌వింద స‌మేత సెట్స్ లో ఉండ‌గానే త‌న తండ్రి గారు హ‌రికృష్ణ యాక్సిడెంట్ లో హ‌ఠాన్మ‌ర‌ణం చెందారు. అటుపై తార‌క్ తీవ్ర‌మైన విచారం లోకి వెళ్లారు. ఇప్ప‌టికీ తార‌క్ ఆ సంఘ‌ట‌న‌ను మ‌ర‌వలేని ప‌రిస్థితి ఉందిట‌. అందుకే పుట్టిన‌రోజులు .. సెల‌బ్రేష‌న్స్ పై ఆస‌క్తిగా లేర‌ని స‌న్నిహితులు చెబుతున్నారు. ఇక తన అభిమానులు సామాజిక సేవ‌కు మాత్రం తార‌క్ గ్రీన్ సిగ్న‌ల్ ఇచ్చారు. య‌థావిధిగా ఆ రోజు ఫ్యాన్స్ సోష‌ల్ వ‌ర్క్ చేయాల్సిందిగా కోరార‌ట‌. ఇక‌పోతే తార‌క్ బ‌ర్త్ డే సంద‌ర్భంగా ఎస్.ఎస్.రాజ‌మౌళి గిఫ్ట్ ఏమీ ఇవ్వ‌రా? అంటే ఆరోజు కొమ‌రం భీమ్ ప్రీలుక్ ని రిలీజ్ చేస్తార‌నేది ఫ్యాన్స్ హోప్. అయితే అందుకు ఛాన్స్ ఉందో లేదో రాజ‌మౌళి ప్ర‌క‌టించ‌లేదింకా.