సెన్సార్ యుఏ.. బ‌రిలో దిగుతున్న రాజ‌రాజ చోర‌

చెప్పిన తేదీకే రాజ‌రాజ చోర బ‌రిలో దిగుతున్నాడు. ఆగష్టు 19న ఈ సినిమా విడుద‌ల కానుంది. హీరో శ్రీ‌విష్ణు తన సోషల్ మీడియాలో రిలీజ్ తేదీని ప్ర‌క‌టించిన సంగ‌తి తెలిసిన‌దే. హసిత్ గోలి దర్శకత్వం వహించిన ఈ చిత్రంలో శ్రీ విష్ణు- మేఘా ఆకాష్ - సునైనా ముఖ్య పాత్రలు పోషించారు.

రాజ రాజ చోర టైటిల్ కి త‌గ్గ‌ట్టే శ్రీ విష్ణు స‌రికొత్త‌ అవతారంలో క‌నిపించ‌నున్నాడు. టైటిల్ కి త‌గ్గ‌ట్టే ఫన్ ఎంట‌ర్ టైన్ మెంట్ కి కొద‌వుండ‌ద‌ని అర్థ‌మ‌వుతోంది. తాజాగా ఈ సినిమా సెన్సార్ రిపోర్ట్ అందింది. సెన్సార్ బృందం యుఏ స‌ర్టిఫికెట్ ఇచ్చి ప్ర‌శంసించింది. ఇది ఫ్యామిలీ ఆడియెన్ సినిమా.. యు ఆల్ ల‌వ్ రాజ‌రాజ చోర‌! అంటూ చిత్ర‌బృందం వెల్ల‌డించింది.

కెరీర్ లో విల‌క్ష‌ణ పాత్ర‌లతో న‌టుడిగా నిరూపించుకున్న శ్రీ‌విష్ణు గ‌త‌ చిత్రాలలో చేసిన వాటికి పూర్తి భిన్నంగా ఈ పాత్ర ఉంటుంది. `అప్పట్లో ఒకడుండేవాడు`.. మెంటల్ మదిలో... నీది నాది ఒక కథ .. బ్రోచేవారెవరురా వంటి విజ‌య‌వంత‌మైన సినిమాలలో శ్రీ‌విష్ణు న‌ట‌న‌కు పేరొచ్చింది. ఇప్పుడు మ‌ళ్లీ అలాంటి ఫీట్ రిపీట్ చేయ‌నున్నాడ‌ని తెలుస్తోంది. గతంలో పెళ్లి చూపులు- సమ్మోహనం- బ్రోచేవారెవరూరా- హిట్ వంటి చిత్రాల‌కు సంగీతం అందించిన వివేక్ సాగర్ ఈ చిత్రానికి సంగీతం అందించారు. వేద రామన్ శంకరన్ సినిమాటోగ్రఫీ అందించారు. `రాజ రాజ చోర` లోని ఒక పాట అలాగే ఈ సినిమాకి సంబంధించిన టీజర్ ని ఇంతకు ముందు విడుదల చేయగా వైర‌ల్ గా దూసుకెళ్లాయి. ఇప్పుడు థియేట్రికల్ విడుదలకు ముందు చిత్ర నిర్మాతలు ప్రమోషన్ లో స్పీడ్ పెంచారు.