యాంగ్రీ మ్యాన్ సీక్రెట్ రీమేక్?

ఇటీవలే వచ్చిన కల్కితో డిఫరెంట్ క్రైమ్ థ్రిల్లర్ ట్రై చేద్దామనుకున్న రాజశేఖర్ ప్రయత్నం ఆశించిన ఫలితాన్ని ఇవ్వలేకపోయింది. గరుడవేగాతో మంచి కం బ్యాక్ అందుకున్న ఈయన కల్కితో అది బలపడుతుంది అనుకుంటే అంతగా వర్క్ అవుట్ కాలేదు. తాజాగా ఏ సినిమాను అధికారికంగా ప్రకటించని రాజశేఖర్ త్వరలో ఓ కన్నడ రీమేక్ చేయబోతున్నట్టుగా ఇన్ సైడ్ టాక్.

కోలీవుడ్ నిర్మాత ధనుంజయ దీని హక్కులు కొన్నారట. తమిళ్ లో సత్యరాజ్ అబ్బాయి సిబితో తెలుగులో రాజశేఖర్ తో ప్లాన్ చేసినట్టుగా వినికిడి. అయితే దర్శకుడు ఎవరు మిగిలిన టెక్నికల్ టీం ఏంటి అనే వివరాలు ప్రస్తుతానికి సస్పెన్స్. లీకవుతున్న న్యూస్ ని బట్టి చూస్తే ఇది గత ఏడాది కన్నడలో బ్లాక్ బస్టర్ గా నిలిచిన మఫ్టీ రీమేక్ కావొచ్చని అంటున్నారు.

రాజశేఖర్ వయసుకు తగ్గ హీరో పాత్ర ఇందులోనే ఉంది. అది శివరాజ్ కుమార్ చేశారు. దీన్నే వివి వినాయక్ బాలయ్యతో చేద్దాం అనుకున్నాడు కాని కుదరలేదు. ఇందులో మరో యూత్ హీరో కూడా ఉంటాడు. ఒకవేళ ఇదే నిజమైతే రాజశేఖర్ కు సాలిడ్ మాస్ సినిమా దొరికినట్టే. కాని ధనుంజయ కొన్న హక్కులు దీనివా కావా అనేది అధికారికంగా తెలియలేదు. ఇంకో నెల రోజుల్లో దీనికి సంబంధించిన పూర్తి వివరాలు తెలిసే ఛాన్స్ ఉంది.