తమిళ్ రూట్లో సీనియర్ తెలుగు హీరో

సీనియర్ హీరోలు తమ కెరీర్ ను కొనసాగించేందుకు ఇప్పుడు కొత్త మార్గాలను అన్వేషిస్తున్నారు. కేరక్టర్ రోల్స్.. విలన్ వేషాలతో.. ఇప్పటికే జగపతి బాబు దూసుకుపోతున్నాడు. తెలుగు.. తమిళ్.. మలయాళ భాషల్లో ఇంపార్టెంట్ రోల్స్ చేస్తూ తెగ బిజీగా ఉన్నాడు. మిగిలిన సీనియర్లకు ఇన్ స్పిరేషన్ అయిపోయాడు జగపతి.

ఇప్పటికే విలన్ రోల్స్ కు ఓకే అంటూ శ్రీకాంత్ సిగ్నల్స్ పంపేశాడు. ఇక సీనియర్ హీరో రాజశేఖర్ ప్రస్తుతం తెలుగులో ఓ యాక్షన్ బేస్డ్ పోలీస్ స్టోరీ చేస్తున్నాడు. ప్రవీణ్ సత్తారు దర్శకత్వంలో తెరకెక్కుతున్న ఈ చిత్రం.. సీరియస్ టోన్ లో సాగుతుందట. తెలుగుతో పాటు తమిళ్ లోనూ సత్తా చాటాలని అనుకుంటున్నాడట ఈ సీనియర్ హీరో. అందుకోసం ఇప్పటికే తమిళ్ మూవీస్ కోసం ఓ మేనేజర్ ను అపాయింట్ చేసుకున్నాడని తెలుస్తోంది.

మంచి కంటెంట్.. స్ట్రాంగ్ స్క్రిప్ట్ ఉండి తన పాత్రకు ప్రాధాన్యత ఉండే రోల్స్ చేస్తూ తమిళ్ లో కూడా తన మార్కెట్ ను విస్తరించుకోవాలని చూస్తున్నాడట రాజశేఖర్. తమిళ్ ను ఫ్లుయెంట్ గా మాట్లాడగలగడం రాజశేఖర్ కు అడ్వాంటేజ్ అవుతుందని అంటున్నారు. ఇప్పటివరకూ ఈ ప్రయత్నాలకు రిజల్ట్ వచ్చిందో లేదో చెప్పడం లేదు కానీ.. కోలీవుడ్ ఎంట్రీ కోసం రాజశేఖర్ సీరియస్ గానే ప్రయత్నిస్తున్నాడట.

Like Us on Facebook : https://www.facebook.com/Tupakidotcom/