అతనికి విలన్ గా రాజశేఖర్‌??

చాలా ఏళ్ల త‌ర్వాత యాంగ్రీ యంగ్ మ్యాన్‌ రాజ‌శేఖ‌ర్ కి మ‌ళ్లీ హిట్ ఇచ్చిన ఘ‌న‌త విభిన్న చిత్రాల ద‌ర్శ‌కుడు ప్ర‌వీణ్ స‌త్తారుకే ద‌క్కుతుంది. ‘పీఎస్ వీ గ‌రుడ‌వేగ‌’ అంటూ ప్ర‌వీణ్ స‌త్తారు చేసిన ప్ర‌యోగానికి మంచి గుర్తింపు ద‌క్కింది. ఆయ‌న‌తో ప‌నిచేసేందుకు స్టార్ హీరోలు కూడా ఆస‌క్తి చూపిస్తున్నారు. ప్ర‌స్తుతం ఎన‌ర్జిటిక్ హీరో రామ్ తో ఓ సైంటిఫిక్ థ్రిల్ల‌ర్ రూపొందించే పనిలో ఉన్నాడు ప్ర‌వీణ్ స‌త్తారు.

ఈ మ‌ధ్యనే షూటింగ్ ప్రారంభించిన ఈ సినిమాలో బాగా అచొచ్చిన యాంగ్రీ మ్యాన్ రాజ‌శేఖ‌ర్ ని తీసుకోవాలని అనుకుంటున్నాడట ప్ర‌వీణ్ స‌త్తారు. ఇప్ప‌టికే త‌న‌కి మ‌రిచిపోలేని సినిమా ఇచ్చిన ప్ర‌వీణ్‌... రామ్ సినిమాలో కూడా ఓ కీల‌క పాత్ర‌ను ఆఫ‌ర్ చేశాడ‌ట‌. పాత్ర న‌చ్చితే విల‌న్ వేషాలు కూడా సిద్ధ‌మ‌న్న రాజ‌శేఖ‌ర్‌... రామ్ సినిమాతో త‌న సెకండ్ ఇన్నింగ్స్ మొద‌లెట్ట‌బోతున్నాడ‌నే చెప్పాలి. ప్ర‌స్తుతం రామ్ ‘నేను లోకల్‌’ ద‌ర్శ‌కుడు త్రినాథ‌రావ్ న‌క్కిన ద‌ర్శ‌క‌త్వంలో అనుప‌మా ప‌ర‌మేశ్వ‌ర‌న్ తో క‌లిసి ‘హాలో గురూ ప్రేమ కోస‌మే’ సినిమా చేస్తున్నాడు. యూత్ ఫుల్ ల‌వ్ స్టోరీగా తెర‌కెక్కుతున్న ఈ సినిమాను దిల్ రాజు నిర్మిస్తున్నాడు. ఈ ప్రాజెక్ట్ పూర్త‌యిన‌ త‌ర్వాత ప్ర‌వీణ్ స‌త్తారు సినిమాను సెట్స్ మీద‌కి తీసుకెళ్తాడు రామ్‌. ఈ సినిమాను సొంత బ్యాన‌ర్ శ్రీ‌ స్ర‌వంతి మూవీస్ ప‌తాకంపై భారీ బ‌డ్జెట్లో నిర్మించ‌బోతున్నారు.

ఇప్పటికే రామారావు- రామ్ చ‌ర‌ణ్ - రాజ‌మౌళి సినిమా #RRRలో రాజశేఖ‌ర్ కూడా ఒక #R గా న‌టిస్తాడ‌ని ప్రచారం జ‌రిగింది. అయితే ఆ వార్త‌ల్లో నిజం లేద‌ని కొట్టిపాడేశాడు ఈ అంకుశం హీరో. అయితే ఇప్పుడు మ‌రో #R రామ్ సినిమాలో కీల‌క పాత్ర చేసేందుకు ఒప్పుకున్నాడు. #RRP పేరుతో ఈ సినిమా ట్రెండ్ అవుతుందేమో చూడాలి.