వైరల్ అవుతున్న నటకిరీటి డబ్బింగ్ వీడియో!

తెలుగు యంగ్ హీరో శ్రీవిష్ణు, నటకిరీటి రాజేంద్రప్రసాద్ ప్రధాన పాత్రలలో నటించిన సినిమా గాలిసంపత్. పూర్తి వినోదాత్మక చిత్రంగా రూపొందిన ఈ సినిమాకు స్టార్ డైరెక్టర్ అనిల్ రావిపూడి సమర్పకుడిగా వ్యవహరిస్తూనే స్క్రీన్ ప్లే, డైలాగ్స్ అందించాడు. ఇటీవలే శరవేగంగా షూటింగ్ జరుపుకున్న గాలిసంపత్ మూవీ విడుదలకు దగ్గరవడంతో మేకర్స్ ప్రచార కార్యక్రమాలు ప్రారంభించారు. ప్రస్తుతం గాలిసంపత్ సాంగ్స్, టీజర్స్ సోషల్ మీడియాలో ఈ సినిమా పై బజ్ క్రియేట్ చేసాయి. ఈ సినిమాలో గాలిసంపత్ గా రాజేంద్రప్రసాద్ నటిస్తున్నాడు. ఈ సినిమాలో 'ఫిఫిఫీ ఫిఫిఫీ' అనే కొత్త లాంగ్వేజ్ ఏదో రాజేంద్రప్రసాద్ క్యారెక్టర్ తో పరిచయం చేయనున్నారు మేకర్స్. ఎందుకంటే తాజాగా డైరెక్టర్ అనిల్ రావిపూడి ఓ వీడియో ట్విట్టర్ వేదికగా షేర్ చేసాడు.

ప్రస్తుతం ఆ వీడియో సోషల్ మీడియాలో ఫుల్ వైరల్ అవుతోంది. ఏంటంటే.. రాజేంద్రప్రసాద్ తన పాత్రకు డబ్బింగ్ చెబుతున్న ఓ పది సెకండ్ల వీడియో పోస్ట్ చేసాడు. అలాగే ఆ వీడియోలో ఉన్న రాజేంద్రప్రసాద్ గురించి మాటలతో కొనియాడాడు. రాజేంద్రప్రసాద్ విలక్షణమైన ఫిఫీ మాడ్యులేషన్ లో డబ్బింగ్ చెబుతున్నాడు. మూడు దశబ్దాలకు పైగా అనుభవం ఉన్న రాజేంద్రప్రసాద్ గారికి సినిమాలపై ఉన్న ప్యాషన్ మైండ్ బ్లోయింగ్ అంటూ చెప్పుకొచ్చాడు అనిల్. ఖచ్చితంగా గాలిసంపత్ ఈసారి ప్రేక్షకులను అలరిస్తాడని నమ్మకం వ్యక్తం చేస్తున్నారు మేకర్స్. మహాశివరాత్రి సందర్బంగా మార్చ్ 11న గాలిసంపత్ సినిమా విడుదల కాబోతుంది. ఈ సినిమాకు అనిస్ దర్శకత్వం వహించగా.. ఇమేజ్ స్పార్క్ ఎంటర్టైన్మెంట్ అండ్ షైన్ స్క్రీన్స్ బ్యానర్లపై ఎస్. కృష్ణ ఈ సినిమాను నిర్మించారు. చూడాలి మరి గాలిసంపత్ ఎంతమందికి కనెక్ట్ అవుతాడో!

The passion Nata Kireeti Dr. Rajendra Prasad garu has for cinema is mind blowing