ఒరిజినల్ టైలర్ ప్రాజెక్టులో లేడంట!!

ఇప్పుడు ''ఫ్యాషన్ డిజైనర్ సన్నాఫ్‌ లేడీస్ టైలర్'' సినిమా ఫస్ట్ లుక్ రావడంతో.. ఒక్కసారి సీనియర్ హీరో రాజేంద్ర ప్రసాద్ మరోసారి హాట్ టాపిక్ అయిపోయాడు. అయితే ఈ సీక్వెల్ సినిమాలో.. సన్నాఫ్‌ లేడీస్ టైలర్ అన్నారు కాబట్టి.. అసలు రాజేంద్ర ప్రసాద్ తన పాత్రను తనే చేశాడా లేదా అనే సందేహం సాధారణంగానే వస్తుంది. ఇంతకీ రాజేంద్రుడు ఉన్నాడా? లేడా?

ఫ్యాషన్ డిజైనర్ సినిమాలో తొలుత రాజేంద్ర ప్రసాద్ తో తండ్రి పాత్రను చేయించాలని అనుకున్న మాట వాస్తవమేనట. కాని ఈ సినిమాలో రాజేంద్రుడు నటించలేదు. తొలుత ఆయన ఈ పాత్రకు భారీ పారితోషకం కావాలంటూ డిమాండ్ చేస్తున్నారనే టాక్ వినిపించింది. అయితే రాజేంద్రుడు మాత్రం.. ఈ పాత్రను చేయడానికి బాగా సుముఖత చూపించినప్పటికీ.. తనకు కావాల్సినట్లు సినిమా కథను మలచాలని కోరాడట. దానికి సీనియర్ దర్శకుడు వంశీ ససేమిరా అనడంతో.. అప్పట్లో ఈ ప్రాజెక్టు కాస్త లేటైంది. ఆ తరువాత అసలు సినిమాలో తండ్రి క్యారక్టర్ లేకుండా సినిమా చేస్తే ఎలా ఉంటుంది అనే ఐడియా రావడంతో.. ఇప్పుడు వంశీ కథను పూర్తిగా మార్చేసి సుమంత్ అశ్విన్ మెయిన్ లీడ్ లో డిఫరెంటుగా సినిమాను తీశాడట.

ఇకపోతే ఈ సినిమాలో రాజేంద్ర ప్రసాద్ లేడూ అంటూ 'లేడీస్ టైలర్' అభిమానులు హర్టవుతారేమో కాని.. ప్రస్తుతం తరం ప్రేక్షకులకు మాత్రం కావల్సినంత మసాలా కామెడీ ఉందట. వంశీ మార్కు టేకింగ్ తో పాటు.. హీరోయిన్ల గ్లామర్ కూడా ఎసెట్ అవుతుందని అంటున్నారు. అది సంగతి.

Like Us on Facebook : https://www.facebook.com/Tupakidotcom/