కొత్త జంటతో అంబానీ ఇంట పెళ్లికి సూపర్‌ స్టార్‌

తమిళ సూపర్‌ స్టార్‌ రజినీకాంత్‌ కు మరియు అంబానీ ఫ్యామిలీకి చాలా కాలంగా సన్నిహిత సంబంధాలు ఉన్న సంగతి తెల్సిందే. ఆ సన్నిహిత సంబంధాలతోనే ఆమద్య జరిగిన ముఖేష్‌ అంబానీ కూతురు ఈషా అంబానీ పెళ్లికి రజినీకాంత్‌ కు ఆహ్వానం దక్కింది. భార్యతో కలిసి ఆ వివాహ వేడుకలో రజినీకాంత్‌ పాల్గొన్నాడు. ఇక ఈమద్య జరిగిన రజినీకాంత్‌ కూతురు సౌందర్య రెండవ పెళ్లికి కూడా అంబానీ దంపతులు హాజరు అయ్యారు.

అంబానీ, రజినీకాంత్‌ ఫ్యామిలీ మద్య రాకపోకలు జరుగుతూనే ఉన్నాయి. ఇటీవల జరిగిన ముఖేష్‌ అంబానీ కుమారుడు ఆకాష్‌ అంబానీ పెళ్లి వేడుకలో రజినీకాంత్‌ పాల్గొన్నాడు. అయితే అంబానీ వారి ఇంట పెళ్లికి రజినీకాంత్‌ కొత్త జంట సౌందర్య మరియు విషాగన్‌ లతో పాల్గొనడం అందరి దృష్టిని ఆకర్షించింది. కొత్త జంటను అక్కడ అందరికి పరిచయం చేస్తూ రజినీకాంత్‌ కనిపించారు. కొత్త జంటతో అంబానీ వారి ఇంట పెళ్లికి హాజరు అయిన రజినీకాంత్‌ అక్కడ ప్రత్యేక ఆకర్షణగా నిలిచాడు.

రజినీకాంత్‌ ఈమద్య కాలంలో చాలా యాక్టివ్‌ గా కనిపిస్తున్నారు. సినిమాలతోనే కాకుండా ఇతర ప్రైవేట్‌ కార్యక్రమాల్లో కూడా సరదాగా గడుపుతున్నాడు. తాజాగా కూతురు పెళ్లిలో రజినీకాంత్‌ డాన్స్‌ వేసిన విషయం తెల్సిందే. తాజాగా అంబానీ వారి ఇంట పెళ్లిలో కూడా హుషారుగా కనిపించాడు. ఇక రజినీకాంత్‌ తదుపరి చిత్రం మురుగదాస్‌ దర్శకత్వంలో ఉండబోతుంది. ఆ సినిమాకు సంబంధించిన చర్చలు పూర్తి అయ్యాయి. ఏ క్షణంలో అయినా సెట్స్‌ పైకి మూవీ వెళ్లే అవకాశం ఉంది.