సొంతింట్లోనే సూపర్ స్టార్ దీపావళి

సూపర్ స్టార్ రజినీకాంత్ ఆరోగ్యం బాగాలేకపోవడంతో.. ఈ నెలలో ఆయన మరోసారి అమెరికా వెళ్లిన సంగతి తెలిసిందే. అయితే.. ఆయన అనారోగ్యం తీవ్రస్థాయిలో ఉందని.. ఈసారి కూడా ఎక్కువకాలమే ఉండాల్సి వస్తుందనే చాలా వెబ్ సైట్లు.. ఛానళ్లు అభిమానులను కంగారు పెట్టేశాయి.

అయితే.. కూతురు ఐశ్వర్య అల్లుడు ధనుష్ లతో కలిసి సూపర్ స్టార్ రజినీకాంత్ తన సొంతింటిలోనే దీపావళి చేసుకుంటూ.. టపాసులు కాలుస్తున్న ఫోటో ఇప్పుడు బయటకొచ్చింది. ఫోటోలో రజినీ కాసింత నీరసంగా కనిపిస్తున్న కనిపిస్తున్న మాట వాస్తవమే అయినా.. అది ప్రయాణ బడలిక మాత్రమే. అది మినహా ఆయన ఆరోగ్యానికి పెద్దగా ప్రమాదమేమీ లేదని అర్ధమవుతోంది. సాంప్రదాయ పంచెక్టుతో మామా అల్లుళ్లిద్దరూ టపాకాయలు కాలుస్తున్న సీన్ చూసి ఫ్యాన్స్ బాగా ఖుషీ అయిపోయారు.

రజినీ ఇంటికి చేరిన విషయం తెలిసి అనేకమంది ఫ్యాన్స్ రజినీని కలిసేందుకు రాగా.. అందరికీ దీపావళి శుభాకాంక్షలు చెప్పి మరీ పంపారు సూపర్ స్టార్. తమ తలైవా తిరిగి పూర్తి ఆరోగ్యంగా కనిపించడం.. దీపావళి పండుగ శుభాకాంక్షలు చెప్పడం.. ఆ ఫ్యాన్స్ ఆనందానికి ఇక హద్దులుంటాయా!

Like Us on Facebook : https://www.facebook.com/Tupakidotcom/