సూపర్ స్టార్ ఎమోజీ నచ్చలేదబ్బా

సౌత్ సూపర్ స్టార్ రజినీకాంత్ ప్రధాన పాత్రలో తెరకెక్కుతున్న కాలా సినిమా సందడి కనిపించడం లేదేంటి అనుకుంటున్నా సమయంలో సోషల్ మీడియాలో కొత్త కాంట్రవర్షియల్ మ్యాటర్ ట్రెండ్ అవుతోంది. మొదట ఈ సినిమాపై అంచనాలు పెరిగినా ఆ తరువాత వరుసగా తగ్గడం చిత్ర యూనిట్ ని కాస్త కంగారు పెట్టింది. పా.రంజిత్ దర్శకత్వంలో ఈ సినిమా తెరకెక్కిన సంగతి తెలిసిందే. ఇంతకుముందు ఈ కాంబో లో వచ్చిన కబాలి సినిమా అంతగా మెప్పించలేకపోయింది.

అయినా కూడా రజినీకాంత్ దర్శకుడికి రెండవ అవకాశం ఇచ్చాడు. అసలు మ్యాటర్ లోకి వస్తే కాలా సినిమాలో రజినీకి సంబందించిన ఒక ఫెస్ లుక్ బాగా ట్రెండ్ అయ్యిందని ట్విట్టర్ ఇండియా ఓ ఎమోజీని సెట్ చేసింది. అది తెలుగు తమిళ్ హిందీ భాషలో ఉంది. అయితే ఆ ఎమోజీపై పై ప్రస్తుతం సూపర్ స్టార్ ఫ్యాన్స్ ఆగ్రహం వ్యక్తం చేస్తున్నారు. లుక్ ఏ మాత్రం కరెక్ట్ గా లేదని నల్లగా ఉన్న డిజైన్ నచ్చేలేదని వేరే డిజైన్ చేయండి అని అభిమానులు వివిధ రకాలుగా రిప్లై ఇస్తున్నారు.

ఈ విషయంపై ఇంకా ట్విట్టర్ గాని అలాగే చిత్ర యూనిట్ గాని స్పందించలేదు. మరి ఎలాంటి నిర్ణయం తీసుకుంటారో చూడాలి. ధనుష్ నిర్మిస్తున్న ఈ సినిమాలో రజినీలకాంత్ ముంబై తమిళవాసుల కోసం పోరాడే నాయకుడిగా కనిపించనున్నాడు. ఇక సినిమా జూన్ 7న ప్రపంచ వ్యాప్తంగా రిలీజ్ కానుంది.