కబాలి.. షో పడగానే సీన్ లీకయ్యింది

కొన్ని రోజుల క్రితం సూపర్ స్టార్ రజినీకాంత్ లేటెస్ట్ మూవీ కబాలి లీక్ అయిందనే వార్తలు చక్కర్లు కొట్టాయి. రిలీజ్ కి ఇంకా 5 రోజులు ఉండగానే నెట్ లో కబాలి లీక్ అనగానే ఫ్యాన్స్ తెగ బాధపడిపోయారు. అదృష్టవశాత్తూ టోరెంట్స్ లో ఎక్కడా కబాలి లేకపోవడం అందరినీ ఊపిరి పీల్చుకునేలా చేసింది. రేపు ఈ మూవీ ప్రపంచ వ్యాప్తంగా విడుదల కానుండగా.. ఇప్పటికే రజినీకాంత్ ఇంట్రడక్షన్ సీన్ లీక్ అయిపోయింది.

ప్రీమియర్ల పేరుతో ప్రపంచవ్యాప్తంగా కొన్ని చోట్ల ఇప్పటికే కబాలి ప్రదర్శనలు పూర్తయ్యాయి. టాక్ కూడా బాగానే ఉండగా.. ఇంట్రడక్షన్ సీన్ ని నెట్ లో పెట్టేశారు. రెండు నిమిషాల నిడివి ఉండే ఈ సీన్ అంతా రజినీ మాయ కనిపిస్తుందిట. ఇది కబాలి జైల్ నుంచి విడుదలయ్యే సీన్ కాగా.. 'రెండే నెలలు.. ఇలా వెళ్లి అలా వచ్చేస్తా' అని రజినీకాంత్ వేరే ఖైదీతో చెప్పడం తొలి డైలాగ్ గా వినిపిస్తారని.. దాదాపు నిమిషంన్నర తర్వాత అప్పుడు రజినీ ఫేస్ చూపిస్తారని తెలుస్తోంది. సేమ్ శివాజీ సినిమాలో కూడా ఇలా జైలుకు తీసుకెళ్లడం.. అక్కడ ఖైదీలతో కథ చెప్పడమే ఇంట్రో సీన్‌.. గుర్తుందా?

ఇకపోతే బ్యాక్ గ్రౌండ్ మ్యూజిక్ థీమ్ ఇప్పటికే ట్రైలర్ లో విన్నదే అయినా సరే.. సినిమాలో ఆ మ్యూజిక్ అదిరిపోయిందని చెబుతున్నారు. మొత్తానికి కబాలి గట్టిగానే కొట్టేట్టుగా ఉన్నాడు. రికార్డులన్నీ కబాలి వేటలో ఎటెళ్లి పోతాయో చూడాలి మరి.