ర‌జినీకి పోటీ మామూలుగా లేదుగా

సౌతిండియా సూప‌ర్ స్టార్ ర‌జినీకాంత్ న‌టించిన సినిమా విడుద‌ల‌వుతుందంటే... ద‌రిదాపుల్లో మ‌రో సినిమాను పోటీగా విడుద‌ల చేయ‌డానికి సాహసం చేయ‌రు నిర్మాత‌లు. ఒక‌వేళ సాహసం చేసి విడుద‌ల చేస్తే... థియేట‌ర్ల‌లో ఈగ‌లు జోపుకోవాల్సిందే! అని వాళ్ల‌కి తెలుసు కాబ‌ట్టి. కానీ ఈసారి ర‌జినీ సినిమాకి పోటీగా ఓ సినిమా వ‌స్తోంది. అది కూడా మామూలు పోటీ కాదు. ర‌జినీ స్థాయికి త‌గ్గ పోటీ.

అనేక వాయిదాలు ప‌డుతూ వ‌చ్చిన ర‌జినీ ‘కాలా’ సినిమాను జూన్ 7న విడుద‌ల చేయాల‌ని నిర్ణ‌యించింది చిత్ర బృందం. ర‌జినీ ఈ సినిమాలో కరికాలుడు అనే స్ల‌మ్ లీడ‌ర్ పాత్ర‌లో న‌టిస్తున్నాడు. ఆయ‌న భార్య‌గా ఈశ్వ‌రీ రావు న‌టిస్తుండ‌గా బాలీవుడ్ హీరోయిన్ హుమా కురేషి- న‌టుడు నానా ప‌టేక‌ర్ ముఖ్య పాత్ర‌ల్లో నటిస్తున్నారు. అయితే ఆ త‌ర్వాతి రోజు భార‌తదేశ వ్యాప్తంగా 2800 థియేట‌ర్ల‌లో భారీగా విడుద‌ల‌వ్వ‌బోతోంది హాలీవుడ్ వండ‌ర్ మూవీ ‘జురాసిక్ వ‌ర‌ల్డ్ ఫాలెన్ కింగ్ డ‌మ్‌’. అమెరికాలో కంటే రెండు వారాలు ముందే ఇక్క‌డ విడుద‌ల‌వుతోంది సినిమా. తెలుగు- త‌మిళ‌- హిందీ- ఇంగ్లీషు భాష‌ల్లో విడుద‌ల‌వుతున్న జురాసిక్ వ‌ర‌ల్డ్ సినిమా... ర‌జినీ సినిమాకి మంచి పోటీ ఇస్తుంద‌నే చెప్పాలి.

ఎందుకంటే కొన్ని రోజుల క్రితం విడుద‌లైన హాలీవుడ్ సూప‌ర్ హీరోస్ చిత్రం ‘అవెంజ‌ర్స్‌’ ఇక్క‌డ అదిరిపోయే వ‌సూళ్లు సాధించి... ఔరా అనిపించింది. అందుకే జురాసిక్ వ‌ర‌ల్డ్ కూడా భారీగా విడుద‌ల చేస్తున్నారు. ఇప్ప‌టికే ఈ గ్రాఫిక్స్ వండ‌ర్ చిత్రంపై పిల్ల‌లు... సైన్స్ ఫిక్ష‌న్ మూవీస్ ఇష్ట‌ప‌డే వారిలో ఆస‌క్తి నెల‌కొంది. ఇలా చూస్తే ర‌జినీ సినిమా అంటే జురాసిక్ వ‌ర‌ల్డ్ సినిమాకే క్రేజ్ ఎక్కువ‌ని కూడా చెప్ప‌వ‌చ్చు. ఒక్క రోజు బ‌రిలో దిగుతున్న ఈ కోలీవుడ్‌- హాలీవుడ్ సినిమాల పోటీలో ఎవ‌రు పై చేయి సాధిస్తారో తెలియాలంటే ఇంకొన్ని రోజులు వేచి చూడాల్సిందే.