రజినీ కాలా ఫస్ట్ లుక్ కేకలే!!

రజినీకాంత్ ప్రస్తుతం శంకర్ దర్శకత్వంలో రూపొందుతున్న 2.0 షూటింగ్ పూర్తి చేసేసి.. తర్వాతి మూవీ పనిలో పడిపోయారు. రోబో సీక్వెల్ రిలీజ్ కి మరో ఏడెనిమిది నెలలు పట్టనుండడంతో.. ఇప్పటికే కొత్త సినిమాలు పనులు స్టార్ట్ చేశారు. ఇవాళ ఉదయం లోగో రిలీజ్ తో ప్రీ లుక్ ఇచ్చిన దర్శకుడు పా రంజిత్.. సాయంత్రానికల్లా ఫస్ట్ లుక్ విడుదల చేసేశాడు.

కాలా కరికులన్ టైటిల్ పై రూపొందుతున్న సూపర్ స్టార్ లేటెస్ట్ మూవీ ఫస్ట్ లుక్.. అదిరిపోయింది. ఓ మహానగరానికి చెందిన ఓ స్లమ్ ఏరియాను చుట్టూరా చూపిస్తూ.. మధ్యలో రజినీకాంత్ ఓ జీపుపై కూర్చున్న లుక్ సూపర్ స్టైలిష్ గా ఉంది. నల్ల చొక్కా.. గోధుమ రంగు లుంగీ కట్టుకుని.. కాలు మీద కాలు వేసుకున్న రజినీ.. తన స్టైల్ లో లుక్ ఇరగదీసేశారు. ఇక అక్కడక్కడా తెల్ల వెంట్రుకలు కనిపించేలా నల్ల జుట్టు.. పూర్తిగా నెరిసిన తెల్లగడ్డంతో.. రజినీ సూపర్ స్టైలిష్ గా ఉన్నారు.

ఫస్ట్ లుక్ పోస్టర్లో ఓ వైపు కనిపిస్తున్న రైల్వే ట్రాక్.. రజినీ కూర్చున్న జీప్ రిజిస్ట్రేషన్ నంబర్ లను గమనిస్తే.. ఇది ముంబై సిటికి చెందిన స్టోరీ అనే విషయం అర్ధమైపోతుంది. కబాలి టైపులో ఇది కూడా మాఫియా డాన్ స్టోరీనే అనే టాక్ ఇప్పటికే ఉండగా.. కాలా చిత్రాన్ని తమిళ్ తో పాటు తెలుగు.. మలయాళ.. హిందీ భాషల్లో రిలీజ్ చేయనున్నాడు నిర్మాత కం రజినీ అల్లుడు ధనుష్.

Like Us on Facebook : https://www.facebook.com/Tupakidotcom/