క‌బాలి.. ఫొటోషాప్ జిమ్మిక్కుల‌కి బ‌లి!

స్టైల్‌ కి పెట్టింది పేరు ర‌జ‌నీకాంత్‌. క‌బాలి విష‌యంలో ఆ స్టైల్ మ‌రింత పీక్స్‌కి చేరింది. ర‌జ‌నీ ఎప్పుడూ క‌నిపించ‌నంత కొత్త‌గా క‌నిపిస్తున్నాడు. అది చూసిన చిత్ర‌బృందం కూడా తొంద‌ర‌ప‌డిపోయింది. సినిమా సెట్స్‌పైకి వెళ్ల‌క‌ముందే స్టిల్స్‌ ని రిలీజ్ చేసింది. దీంతో నెట్ లో ర‌జ‌నీ గెట‌ప్పులే ద‌ర్శ‌న‌మిచ్చాయి. రోజుకొక కొత్త లుక్ బ‌య‌టికొచ్చింది. అదే అద‌నుగా చేసుకొని ఇప్పుడు ర‌జ‌నీ ఫ్యాన్స్ మ‌రింతగా రెచ్చిపోతున్నారు. ఎక్క‌డ ఏ సినిమాకి సంబంధించిన మంచి స్టిల్ క‌నిపించినా దాన్ని వెంట‌నే ఫొటో షాప్‌ లో మార్ఫింగ్ చేసేస్తున్నారు. ర‌జ‌నీకాంత్ హెడ్‌ ని త‌గిలిస్తున్నారు. ఆ జిమ్మ‌క్కుల‌కి క‌బాలి కాస్త బ‌లి అవుతున్న ప‌రిస్థితి క‌నిపిస్తోంది.

తాజాగా హాలీవుడ్‌ కి సంబంధించిన ఓ స్టిల్‌ ని తీసుకొని దాన్ని మార్ఫింగ్ చేసేశారు. కానీ ఆ స్టిల్‌ ని సినిమాలోదే అంటూ ప్ర‌చారం చేశారు. కానీ అది ప‌క్కాగా మార్ఫింగ్ అన్న విష‌యం తాజాగా బ‌య‌టికొచ్చింది. ర‌జ‌నీకాంత్ న‌టిస్తున్న క‌బాలి కొత్త స్టిల్స్ ఈమ‌ధ్య కాలంలో విడుద‌ల‌య్యే ప‌రిస్థితి క‌నిపించం లేదు. షూటింగ్ పూర్తి చేసుకొన్న ఆ సినిమా వేస‌వి త‌ర్వాత ప్రేక్ష‌కుల ముందుకొస్తుంద‌ని స‌మాచారం. ఆ లెక్క‌న విడుద‌ల‌కు ఇంకా చాలా స‌మ‌యం ఉంది కాబ‌ట్టి యూనిట్ కూడా స్టిల్స్‌ ని బ‌య‌టికి వ‌ద‌ల‌కూడ‌ద‌ని నిర్ణ‌యించుకున్న‌ట్టు స‌మాచారం. రంజిత్ అనే ద‌ర్శ‌కుడు తెర‌కెక్కించిన చిత్రం క‌బాలి. ఇందులో ర‌జ‌నీ సర‌స‌న రాధికా ఆప్టే న‌టించింది.