క్రికెట్ దేవుడికి సూపర్ స్టార్ విషెస్

భారత క్రికెటర్లు.. అభిమానులకు సచిన్ రమేష్ టెండూల్కర్ ను దేవుడు అనడంలో డౌట్స్ ఉండవు. ఇప్పుడు సచిన్ జీవిత గాధపై ఓ బయోపిక్ రూపొందుతోంది. 'సచిన్ - ఏ బిలియన్ డ్రీమ్స్' అనే టైటిల్ పై రూపొందిన ఈ చిత్రం.. మే 25న విడుదల కానుంది. సచిన్ చిన్ననాటి జీవితం.. క్రికెటర్ గా ఎదిగిన తీరు.. సాధించిన ఘనతలు.. వీటన్నిటినీ ఈ చిత్రంలో చూపబోతున్నారు.

సచిన్ మూవీ రిలీజ్ కానున్న సందర్భంగా.. సౌత్ సూపర్ స్టార్ రజినీకాంత్ బెస్ట్ విషెస్ చెప్పారు. తాజాగా ఈ చిత్రం ట్రైలర్ రిలీజ్ అయిన దగ్గర నుంచి మాస్టర్ బ్లాస్టర్ కు అభినందనలు వెల్లువెత్తుతున్నాయి. 'డియర్ సచిన్.. సచిన్ ఏ బిలియన్ డ్రీమ్స్ సక్సెస్ కావాలని కోరుకుంటున్నా. గాడ్ బ్లెస్ యూ' అంటూ రజినీకాంత్ ట్వీట్ చేశారు. దీనికి 'థ్యాంక్యూ తలైవా. మీరు ఈ సినిమాను తమిళ్ లో ఎంజాయ్ చేస్తారని భావిస్తున్నా' అంటూ రిప్లై ఇచ్చాడు సచిన్.

సచిన్ బయోపిక్ హిందీతో పాటు.. ఇంగ్లీష్.. హిందీ.. తెలుగు.. తమిళ్.. మరాఠీ భాషల్లో కూడా విడుదల కానుంది. జేమ్స్ ఎర్ స్కిన్ దర్శకత్వం వహించగా.. కార్నివాల్ మోషన్ పిక్చర్స్ పతాకంపై రూపొందిన సచిన్ ఏ బిలియన్ డ్రీమ్స్ కు.. ఏ ఆర్ రెహమాన్ సంగీతం అందించడం విశేషం.

Like Us on Facebook : https://www.facebook.com/Tupakidotcom/