బాలీవుడ్ లో శృతికి మళ్ళీ రెడీ

ట్యాలెంటెడ్ బ్యూటీ శృతి హాసన్.. నేటివ్ గా చెన్నై చిన్నదే అయినా.. ఈమెను ఓ ఇండస్ట్రీకి కట్టబెట్టేయడం కష్టం. ఈమెకు క్రేజ్ తీసుకొచ్చి స్టార్ హీరోయిన్ రేంజ్ ను టాలీవుడ్ మూవీ గబ్బర్ సింగ్ అందించింది. అందుకే తెలుగు సినిమాల్లో ఆఫర్ వస్తే ఏ మాత్రం తడుముకోకుండా అంగీకరించేస్తూ ఉంటుంది. ఇక ఈమె రేంజ్ ను మరిన్ని మెట్లు బాలీవుడ్ ఎక్కించింది. అందుకే అన్ని ఇండస్ట్రీలను బ్యాలెన్స్ చేస్తూ.. తన కెరీర్ ను కంటిన్యూ చేస్తుంటుంది శృతి హాసన్.

ప్రస్తుతం తమిళ్ తో తండ్రి కమల్ హాసన్ తో కలిసి శభాష్ నాయుడులో నటిస్తున్న శృతి.. తెలుగులో కాటమరాయుడు షూటింగ్ ఇప్పటికే స్టార్ట్ చేసేసింది. ఇప్పుడు బాలీవుడ్ నుంచి అమ్మడికి ఓ ఆఫర్ వచ్చింది. అజార్ మూవీ ప్రొడ్యూసర్ టోనీ డిసౌడా.. 'బెహెన్ హోగీ తేరీ'( ట్రూ ట్రాన్స్ లేషన్ అయితే.. నీకు సోదరి అవుతుంది) చిత్రం తీయనున్నాడు. ఇందులో షాహిద్ ఫేమ్ రాజ్ కుమార్ రావ్ హీరోగా నటించనున్నాడు.

కాబోయే భార్య కోసం ఎప్పుడూ ఎదురు చూస్తూ ఉండే కుర్రాడి కథ ఇది. అమ్మాయిలను పలకరిస్తే.. అన్న అనేస్తుందేమో అని భయపడే కేరక్టర్. అలాంటి ఈ కుర్రాడిని ప్రేమలో పడేసి శృతి చేసే భామ మాత్రలో శృతి హాసన్ నటించబోతోంది. యారా అనే మూవీలో విద్యుత్ జమాల్ తో కలిసి నటిస్తుండగా.. ప్రస్తుతం ఈ చిత్రం పోస్ట్ ప్రొడక్షన్ దశలో ఉంది.

Like Us on Facebook : https://www.facebook.com/Tupakidotcom/