ఫస్ట్ లుక్ః రాజుగాడు ఏం కొట్టేస్తున్నాడో?

ఉయ్యాలా జంపాల సినిమాతో కూల్ గా ఎంట్రీ ఇచ్చి సినిమా చూపిస్త మావ తో హార్డ్ హిట్ అందుకున్న హీరో రాజ్ తరుణ్. అలాగే కుమార్ 21ఎఫ్ తో లవర్ బాయ్ గా కూడా గుర్తింపు తెచ్చుకున్నాడు. అయితే మొదట్లోనే హ్యాట్రిక్ విజయాలను అందుకున్న ఈ కుర్ర హీరో ఆ తర్వాత ఆ స్థాయి విజయాలను అందుకోలేకపోయాడు. కానీ నిర్మాతలకి మాత్రం మంచి వసూళ్లను అందిస్తున్నాడు.

చివరగా రాజ్ తరుణ్ కిట్టు ఉన్నాడు జాగ్రత్త - అందగాడు సినిమాలతో వచ్చాడు. ఆ రెండు సినిమాలను ఏకె ఎంటర్టైన్మెంట్స్ వారే నిర్మించారు. ఇప్పుడు మళ్లీ మూడవసారి ఆ బ్యానర్ లోనే సినిమాను చేస్తున్నాడు. సంజన రెడ్డి దర్శకత్వంలో రాజుగాడు అనే సినిమా తెరకెక్కుతోంది. అయితే దీపావళి కానుకగా సినిమా పోస్టర్ ని చిత్ర యూనిట్ సోషల్ మీడియా ద్వారా రిలీజ్ చేసింది.

పోస్టర్ ని చూస్తుంటే రాజ్ తరుణ్ దొంగ క్యారెక్టర్ చేశాడా లేక అమ్మాయి పర్సనల్ విషయాలని తెలుసుకోవడానికి ఆమె మొబైల్ ని కొట్టేస్తున్నాడా అనే అనుమానాన్ని కలిగిస్తోంది. అంతే కాకుండా రాజ్ తరుణ్ అమాయకంగా కనిపించడం చూస్తుంటే రాజుగాడు లో ఎదో మ్యాటర్ ఉన్నట్లే అనిపిస్తోంది. ఇక బాలీవుడ్ బ్యూటీ అమైరా దస్తూర్ కూడా నవ్వుతు అతని మాయలో పడినట్లు తెలుస్తోంది. మరి ఈ సినిమా ఎంతవరకు ఆకట్టుకుంటుందో చూడాలి.