మోషన్ పోస్టర్: గది మళ్ళీ కొత్తగానే ఉంది

అసలు ఏమాత్రం అంచనాలు లేకుండా వచ్చేసి కేవలం తన కంటెంట్ సత్తాతో యాంకర్ ఓంకార్ ఒక దర్శకుడిగా హిట్టు కొట్టి చూపించాడు. అదే ''రాజు గారి గది'' సినిమా. అస్సలు ఏమాత్రం స్టార్ క్యాస్ట్ లేకుండా.. కేవలం తన కంటెంట్ తోనే సత్తా చాటడం అంటే మాత్రం.. అది ఖచ్చితంగా మనోడికే చెల్లింది. అందుకే ఇప్పుడు మనోడు పివిపితో కలసి మరోసారి అదే సినిమాకు ఒక మాంచి సీక్వెల్ రూపొందిస్తున్నాడు. అయితే ఈసారి సూపర్ స్టార్ క్యాస్ట్ అతని ఒళ్ళో వచ్చి వాలింది.

కింగ్ నాగార్జున హీరోగా.. రాజు గారి గది 2 అంటూ ఆ సినిమాకు సీక్వెల్ రూపొందుతోంది. ఈ సినిమాలో నాగార్జున ఒక మెంటలిస్ట్ పాత్రలో కనిపించే ఈ సినిమాలో మళ్లీ ఫ్యాంటసీ ఎలిమెంట్స్ పుష్కలంగా ఉన్నాయని ఇప్పుడు సమంత రిలీజ్ చేసిన ఈ సినిమా మోషన్ పోస్టర్ చూస్తే తెలుస్తోంది. ఈ సినిమాలో నాగార్జున పక్కనే సీరత్ కపూర్ హీరోయిన్ గా కనిపించనుంది. అలాగే సమంత ఒక ముఖ్యమైన దెయ్యం పాత్రలో కనిపిస్తుందట. ఇక కాజల్ కూడా ఒక సీక్రెట్ రోల్ చేసినట్లు టాక్. ఈ మోషన్ పోస్టర్లో బాగానే ఆకట్టుకునే విషయం ఏంటంటే.. తమన్ అందించిన థీమ్ ఆఫ్‌ రుద్ర అనే బ్యాగ్రౌండ్ స్కోర్.

మొత్తానికి ఓంకార్ మళ్ళీ మోషన్ పోస్టర్ నుండే ఆకట్టుకోవడం స్టార్ట్ చేశాడనే చెప్పాలి. నాగార్జునకు పుట్టినరోజు శుభాకాంక్షలు తెలుపుతూ ఈ లోగోను రివీల్ చేశారు. ఇక సెప్టెంబర్ 20న దసరా సందర్భంగా సినిమా ట్రైలర్ విడుదల చేస్తారట. అది సంగతి.