రాజు గారి గదికి ఖజానా కదిలింది

యాంకరింగ్ - రియాలిటీ షోలతో క్రేజ్ సంపాదించుకున్న ఓంకార్.. ఇప్పుడు జాక్ పాట్ కొట్టేశాడు. సడెన్ గా టీవీల నుంచి మాయమైపోయి.. జీనియస్ అంటూ ఓ మూవీ తీసి పెద్ద ఫ్లాప్ కొట్టాడు. ఆశించిన విజయం రాకపోవడమే కాకుండా.. విమర్శలు కూడా విపరీతంగా రాకపోవడంతో ఈ యాంకర్ కం డైరెక్టర్ మళ్లీ మాయమైపోయాడు. ఈ సారి మరో డిఫరెంట్ మూవీతో ఎంట్రీ ఇచ్చాడు.

రాజు గారి గది అంటూ.. ట్రైలర్ తోనే ఓంకార్ సెన్సేషన్ క్రియేట్ చేశాడు. హారర్ కామెడీగా తెరకెక్కిన ఈ మూవీ ట్రైలర్ లో.. కామెడీ పంచ్ లు సూపర్ గా పేలాయి. కంటెంట్ కూడా బాగుందనే అనిపించింది. పిక్చరైజేషన్ లో క్వాలిటి కనిపించింది. దీంతో మళ్లీ రాజుగారి గదితో ఓంకార్ ఫాంలోకి వచ్చేశాడని అనిపించింది.

ఫాంలోకి వచ్చాడని అనుకున్నారు కానీ.. ఇప్పుడది ప్రూవ్ అయింది. ఎంతలా అంటే.. ఈ మూవీకి శాటిలైట్ రైట్స్ ని 1.6 కోట్లు చెల్లించి తీసుకుంది మాటీవీ. మొదటి సినిమానే సూపర్ ఫ్లాప్ ఇచ్చిన ఓ డైరెక్టర్ కి, చిన్న సినిమాగా తెరకెక్కుతున్న మూవీకి.. ఇది చాలా పెద్ద మొత్తం. అంటే రాజుగారి గది ప్రొడ్యూసర్స్ కి జాక్ పాట్ తగిలినట్లే. ఇప్పుడు మూవీకి మరింతగా హైప్ పెరగడం ఖాయం. ఈసారి సక్సెస్ కొడితే మాత్రం.. టాలీవుడ్ లోనూ తన క్రియేటివిటీ బైట పెట్టేస్తాడు ఓంకార్.