పెళ్లి పీట‌లెక్క‌నున్న ర‌ష్మిక మంద‌న‌!

కన్నడ నటి రష్మిక మందన అఫైర్ గాసిప్స్ కు తెర‌ప‌డింది. త‌న‌ సహనటుడు రక్షిత్ శెట్టితో రష్మిక వివాహ నిశ్చితార్థం జరిగింది. కన్నడలో ఘన విజయం సాధించిన కిరిక్ పార్టీ చిత్రం ద్వారా ర‌ష్మిక‌కు మంచి గుర్తింపు ల‌భించింది. ఆ చిత్రంలో ర‌ష్మిక‌, ర‌క్షిత్ క‌లిసి న‌టించారు. అప్పుడు ఏర్ప‌డ్డ‌ పరిచయం ప్రేమగా పెళ్లి వ‌ర‌కు వ‌చ్చింది. వీరి ప్రేమకు పెద్దలు అంగీకారం తెలిపారు.

ర‌ష్మిక మందన - రక్షిత్ శెట్టి నిశ్చితార్థం జూలై 3న‌ ఘనంగా జరిగింది. ఈ వేడుకకు దాదాపు 2 వేలకు పైగా మంది సినీ - రాజకీయ ప్ర‌ముఖులు హాజరయ్యారు. దీంతో, నిశ్చితార్థ వేడుక వేదిక వద్ధ భారీ సెక్యూరిటీని ఏర్పాటు చేశారు. భద్రతాపరమైన సమస్యలు ఉన్నందున్న ఇన్విటేషన్ ఉన్నవారినే కన్వెన్షన్ హాల్‌లోకి అనుమతించారు.

పునీత్ రాజ్‌ కుమార్ తో అంజనీపుత్ర అనే చిత్రంలో రష్మిక నటిస్తోంది. కన్నడ నటుడు గణేశ్ చిత్రానికి కూడా గ్రీన్ సిగ్నల్ ఇచ్చింది. అలాగే తెలుగులో నాగశౌర్య చిత్రంలో నటించడానికి అంగీక‌రించింది. రష్మిక నటిస్తున్న అవనే శ్రీమన్నారాయణ చిత్రం షూటింగ్ దశలో ఉంది. సచిన్ దర్శకత్వం వహిస్తున్న ఈ చిత్రంలో శాన్వీ శ్రీవాస్తవ - అచ్చుత్ కుమార్ తదితరులు నటిస్తున్నారు.

Like Us on Facebook : https://www.facebook.com/Tupakidotcom/