అరెరే ర‌కుల్.. తానొక‌టి త‌లిస్తే దైవ‌మొక‌టి త‌లిచిన‌ది

అరెరే ర‌కుల్ తానొక‌టి త‌లిస్తే దైవ‌మొక‌టి త‌ల‌చిన‌ది. టాలీవుడ్ లో త‌న రేంజును మ‌రో మెట్టు ఎక్కించ‌బోయి బోల్తా ప‌డింది. క‌చ్ఛితంగా ఆ ఆఫ‌ర్ త‌న‌కే ద‌క్కాలి అనుకుంటే ఏదేదో అయ్యింద‌న్న గుస‌గుస‌లు ర‌కుల్ కి రుచించ‌డం క‌ష్ట‌మే సుమీ! ఇంత‌కీ ఏమైంది పాపం.. అంటారా?

ప్ర‌స్తుతం క్రిష్ ద‌ర్శ‌క‌త్వం లో వైష్ణ‌వ్ తేజ్ స‌ర‌స‌న కొండ‌పొలం అనే చిత్రంలో న‌టిస్తున్న ర‌కుల్ బ్యాక్ టు బ్యాక్ క్రిష్ ద‌ర్శ‌క‌త్వంలో న‌టించే వీలుంద‌ని ప్ర‌చార‌మైంది. ఆ క్ర‌మంలోనే దర్శకుడు క్రిష్ పవన్ కళ్యాణ్ తో తన తదుపరి చిత్రం కోసం రకుల్ ప్రీత్ ను ఫైన‌ల్ చేశార‌ని కూడా ప్ర‌చారం సాగిపోయింది. కానీ క్రిష్ అస‌లు త‌న పేరే పరిగణించలేదని తెలిసింది. ఇంకా నాయిక కోసం వేట కొన‌సాగుతోంది. ర‌కుల్ ఈ మూవీలో న‌టించాల‌న్న పంతంతో ఉన్నా కానీ క్రిష్ ఫైన‌ల్ చేయ‌డం లేదు.

దీంతో ఈ భామకు అలా ఛాన్స్ మిస్స‌య్యింది. రకుల్ ప్రస్తుతం క్రిష్ తో కలిసి వైష్ణవ్ తేజ్ చిత్రంలో న‌టిస్తోంది. అమితాబ్ బచ్చన్ - అజయ్ దేవ‌గన్ `మే డే` సహా కొన్ని బాలీవుడ్ ప్రాజెక్టులను కూడా చేస్తోంది. రకుల్ చేరిక తో హిందీ మార్కెట్ సాయ‌మ‌వుతుంద‌న్న కోణాన్ని క్రిష్ ప‌ట్టించుకోలేదా? అన్న‌ది చూడాలి.

బహుశా క్రిష్ ‌కు తనదైన ఆలోచన ఉంది. అతను రకుల్ అభ్యర్థనను సున్నితంగా తిరస్కరించాడు. భారీ వర్షాల కారణంగా గతంలో నిర్మించిన సెట్ పూర్తిగా దెబ్బతిన్నందున ప్ర‌స్తుతం భారీ ఓడ సెట్ ఏర్పాటు చేస్తున్నారు. సెట్ పూర్తయిన తర్వాత పవన్ షూట్ ‌లో చేరాలని భావిస్తున్నారు. అధిక బడ్జెట్ తో కూడిన అసాధార‌ణ‌ చిత్రం కాబ‌ట్టి చాలా జాగ్ర‌త్త‌లు తీసుకుంటున్నార‌ని తెలిసింది. `ఖుషీ` నిర్మాత ఎ.ఎమ్.రత్నం ఈ చిత్రాన్ని నిర్మిస్తున్నారు.