అయ్యో రకుల్.. ఎంత పనైపోయింది

ఈ మధ్య సౌత్ లో హీరోయిన్స్ మధ్య పోటీ చాలా తీవ్ర స్థాయిలో ఉంది. ఒక్క హిట్ అందుకుంటే ఆఫర్స్ భాగనే అందుకుంటున్నారు గాని మళ్లీ ఒక డిజాస్టర్ అందితే చేతిలో ఉన్నాయి అనుకున్న ఆఫర్స్ చివరలో మాయం అవుతున్నాయి. ఇక వారి స్థానాలను వేరే హీరోయిన్స్ కొట్టేస్తున్నారు. దీన్ని బట్టి చూస్తే.. స్టార్ హీరోల మధ్య పోటీ ఏ స్థాయిలో ఉందో చెప్పలేం కానీ హీరోయిన్స్ మధ్య మాత్రం ఛాన్సుల రేస్ ఓ రేంజ్ లో నడుస్తోందని చెప్పవచ్చు.

ఇక అసలు విషయానికి వస్తే మొన్నటి వరకు రకుల్ టాలీవుడ్ లో ఏ రేంజ్ లో హల్ చల్ చేసిందో అందరికి తెలిసిందే. కోలీవుడ్ లో కూడా ఖాకి సినిమాతో మంచి హిట్ కొట్టి స్టార్ హీరోల సినిమాల్లో అవకాశం దక్కించుకునేంత వరకు వచ్చింది. కానీ చివరి నిమిషంలో అంతా తరుమారైంది. ఆమె ఆఫర్స్ ను ప్రస్తుతం మంచి ఫామ్ లో ఉన్న సాయి పల్లవి - కీర్తి సురేష్ కొట్టేశారు. అయితే టాలీవుడ్ లో స్టార్ హీరోలతో జతకట్టిన ఈ ముద్దుగుమ్మ ఖాకి సినిమాలో కార్తీ తో జోడి కట్టి శభాష్ అనిపించుకుంది. దీంతో సూర్య సరసన అలాగే మురగదాస్ - విజయ్ ప్రాజెక్టులలో దాదాపు ఫైనల్ అయ్యింది అనే టైమ్ లో సూర్య సినిమాను సాయి కొట్టేయగా.. అమాయకపు పిల్ల కీర్తి సురేష్ విజయ్ ని రెండోసారి ఆకర్షించింది.

ఇంతకుముందు మురగదాస్ తో రకుల్ స్పైడర్ చేసి డిజాస్టర్ ని అందుకున్న సంగతి తెలిసిందే. అంతే కాకుండా పాత్ర చేసినందుకు నెగిటివ్ కామెంట్స్ ను కూడా అందుకుంది. దీంతో సెంటిమెంట్ రిపీట్ అవుతుంది అనుకున్నాడో ఏమో గాని విజయ్ నిర్ణయానికి మురగదాస్ ఒకే చెప్పేసి కీర్తి సురేష్ తో వర్క్ చేయడానికి సిద్ధమయ్యాడు.