షేక్ చేసేందుకు రకుల్, కేథరిన్ రెడీ

ఈ ఏడాది ఇప్పటికే పలు సినీ అవార్డ్ ఈవెంట్స్ జరిగాయి. కానీ ఇప్పుడు ఓ ప్రతిష్టాత్మకమైన ఈవెంట్ కు హైద్రాబాద్ సిద్ధమవుతోంది. జూన్ 17న హైద్రాబాద్ లోని నోవోటెల్ హోటల్ లో.. ఫిలింఫేర్ సౌత్ అవార్డుల వేడుక అంగరంగ వైభవంగా జరగనుంది.

గతంలో ఇలాంటి అవార్డ్ ఫంక్షన్స్ అంటే.. ఎవరు గెలుస్తారు.. ఏ సినిమాకి అవార్డ్ వస్తుందనే క్యూరియాసిటీ ఎక్కువగా ఉండేది. ఇప్పుడు జనాల ఫోకస్ అంతకు మించి పెరిగిపోయింది. అందాల భామల స్టేజ్ పెర్ఫామెన్స్ లు ఇప్పుడు కామన్ అయిపోగా.. వీటిలో రెచ్చిపోయి మరీ తమ ట్యాలెంట్ చూపించేయడం.. హీరోయిన్లకు అలవాటయిపోయింది. ఫిలింఫేర్ సౌత్ అవార్డుల్లో టాలీవుడ్ బ్యూటీ రకుల్ ప్రీత్ సింగ్.. మలయాళీ సుందరాంగి కేథరిన్ థ్రెసా డ్యాన్స్ పెర్ఫామెన్స్ లు ప్రత్యేక ఆకర్షణగా నిలవనున్నాయి. ఇప్పటికీ పలు మార్లు ప్రాక్టీస్ చేసి మరీ ఈ ఈవెంట్ కోసం రెడీ అయిపోయారు ఈ ముద్దుగుమ్మలు.

రకుల్.. కేథరిన్ లతో పాటు.. శ్రద్ధా శ్రీనాథ్.. మంజిమా మోహన్.. నిక్కీ గల్రానీ కూడా ఫిలింఫేర్ సౌత్ ఈవెంట్ లో డ్యాన్సులు వేసి తమ ట్యాలెంట్ ను జనాలకు చూపించనున్నారు. మరోవైపు ఈసారి బెస్ట్ యాక్టర్ అవార్డ్ నామినేట్ అయిన హీరోలు అందరి మధ్యనా పోటీ ఎక్కువగా ఉండగా.. బెస్ట్ యాక్ట్రెస్ అవార్డ్ ను సమంత తన్నుకుపోయే ఛాన్సులు పుష్కలంగా ఉన్నాయి. మరోవైపు బెస్ట్ మూవీ కేటగిరీలో నాన్నకు ప్రేమతో.. జనతా గ్యారేజ్.. సరైనోడు చిత్రాలు పోటీ పడుతున్నాయి.

Like Us on Facebook : https://www.facebook.com/Tupakidotcom/