టాప్ పొజిషన్ కోసం పోటాపోటీ

టాలీవుడ్ లో టాప్ హీరోయిన్ ప్లేస్ కోసం ప్రస్తుతం గట్టి పోటీనే సాగుతోంది. నిన్న మొన్నటి వరకు టాప్ లీగ్ లో పంజాబీ భామీ రకుల్ ప్రీత్ మాత్రమే ఉండేది. దాదాపుగా పెద్ద హీరోలందరి సినిమాలకు సింగిల్ ఛాయిస్ గా ఉండేది. బోలెడంత గ్లామర్.. కాస్త టాలెంట్ ఉండటంతో రకుల్ హవా కొనసాగింది.

రకుల్ స్పీడుకు బ్రేకులేస్తూ దువ్వాడ జగన్నాథమ్ సినిమాతో కన్నడ భామ పూజా హెగ్డే అందరి దృష్టిని అట్రాక్ట్ చేసింది. అంతకుముందు రెండు తెలుగు సినిమాలు చేసినా ఆమెలో ఉన్న గ్లామర్ యాంగిల్ పెద్దగా పట్టించుకోలేదు. దువ్వాడ జగన్నాథమ్ లో అమ్మడు చూపించిన బికినీ సోకులు చూశాక టాలీవుడ్ ఫోకస్ పూజాపై పడింది. ప్రస్తుతం త్రివిక్రమ్ డైరెక్షన్ లో ఎన్టీఆర్ హీరోగా చేసే మూవీతోపాటు సాహో తరవాత ప్రభాస్ పక్కన... భరత్ అనే నేను తరవాత మహేష్ చేసే సినిమాలో పూజాయే హీరోయిన్ గా ఎంపికైంది. ఇవన్నీ పెద్ద ప్రాజెక్టులే. వీటిలో నటించేందుకు ఆమె భారీ మొత్తమే డిమాండ్ చేసిందని తెలుస్తోంది.

మరోవైపు రకుల్ తెలుగలో నటించకపోయినా ఆమె డైరీయేం ఖాళీగా లేదు. ఆమె హీరోయిన్ గా నటించిన బాలీవుడ్ సినిమా అయ్యారీ ఈ మధ్యనే రిలీజైంది. ప్రస్తుతం మరో బాలీవుడ్ మూవీ చేస్తోంది. దీంతోపాటు తమిళంలో పెద్దహీరోలైన అన్నదమ్ములు సూర్య - కార్తి ఇద్దరి సినిమాల్లో రకుల్ నే హీరోయిన్ గా తీసుకున్నారు. వీళ్లిద్దరిలో ఎవరు టాప్ పొజిషన్ లో కంటిన్యూ అవుతారనేది వేచి చూడాలి.