ఆ సినిమాలో రకుల్ కూడా ఉంది

ప్రస్తుతం సౌత్ లో నార్త్ భామలు హీరోయిన్స్ గా మంచి క్రేజ్ అందుకుంటున్న సంగతి తెలిసిందే. అయితే ఈ మధ్య కాలంలో వారికి ఎక్కువగా మలయాళీ ముద్దుగుమ్మల నుంచి పోటీ తీవ్రత ఎక్కువవుతోంది. నార్త్ స్టార్ హీరోయిన్స్ ఆఫర్స్ ని చివరి నిమిషంలో లాగేసుకునే పరిస్థితి ఏర్పడింది. ఎక్కువగా ప్రస్తుతం ప్రేమమ్ భామలు చాలా భయపెడుతున్నారు. అనుపమ పరమేశ్వరన్ - సాయి పల్లవికి ల పేర్లు ప్రస్తుతం మారుమ్రోగిపోతున్నాయి.

ఇక అసలు విషయానికి వస్తే ఇటీవల సాయి పల్లవి.. రకుల్ ప్రీత్ సింగ్ చాన్సుకే టెండర్ పెట్టిందని వార్తలు వచ్చిన సంగతి తెలిసిందే. మొత్తానికి చివరి నిమిషంలో ఆ బ్యూటీ రకుల్ అఫర్ ని కొట్టేసిందని వార్తలు ఓ రేంజ్ లో వచ్చాయి. సెల్వా రాఘవన్ దర్శకత్వంలో సూర్యా హీరోగా నటిస్తోన్న సినిమాలో ముందు నుంచి రకుల్ నేమ్ వినిపిస్తోన్న సంగతి తెలిసిందే. అయితే ఇటీవల ఆమెను తీసేసి సాయి పల్లవి ని సెట్ చేసుకున్నారని కథనాలు వెలువడ్డాయి.

కానీ రీసెంట్ గా కాస్ట్యూమ్ డిజైనర్ నీరజా కోన చేసిన ట్వీట్ ని బట్టి చూస్తే ఆ సినిమాలో రకుల్ ని తీసెయ్యలేదని తెలుస్తోంది. సినిమాలో రకుల్ తో పాటు సాయి పల్లవి కూడా నటిస్తుందని ఒక క్లారిటీ వచ్చేసింది. ఇక ఈ సినిమా రెగ్యులర్ షూటింగ్ త్వరలో స్టార్ట్ కానుంది. ప్రస్తుతం సూర్య గ్యాంగ్ సినిమా రిలీజ్ పనుల్లో బిజీగా ఉన్నాడు. ఈ రోజు తెలుగు ప్రీ రిలీజ్ వేడుకను హైదరాబాద్ లో చిత్ర యూనిట్ నిర్వహిస్తోంది. ఇక సినిమా సంక్రాంతికి రిలీజ్ కాబోతోన్న సంగతి తెలిసిందే.