రకుల్ విండోస్ ఓపెన్ చేసింది

కుర్ర హీరోయిన్లలో అందరి కంటే ఎక్కువ వినిపించేది రకుల్ ప్రీత్ సింగ్ పేరే. స్టార్ హీరోలతో వరుస ఛాన్సులు రావడం ఒక కారణమైతే.. క్రేజ్ పెంచుకోవడానికి ఈ భామ చూపించే వయ్యారాలు అసలు కారణం. ఫ్యాషన్ విషయంలో ఎప్పటికప్పుడు అప్ టు డేట్ గా అప్ డేట్ అయ్యే రకుల్ ప్రీత్ సింగ్, ఇప్పుడు మళ్లీ కొత్త గెటప్ లో కనిపించేసింది.

జూనియర్ ఎన్టీఆర్ తో కలిసి రకుల్ చేసిన మూవీ నాన్నకు ప్రేమతో.. రిలీజ్ కి రెడీగా ఉంది. ఈ మూవీకి అందరి కంటే ఎక్కువ ఉత్సాహంగా ఎదురు చూస్తోందీ సొగసరి. తన కెరీర్ లో ఎన్టీఆర్ అయినా బ్లాక్ బస్టర్ ఇస్తాడనే ఆశతో.. ప్రమోషన్లలో చాలా యాక్టివ్ గా పార్టిసిపేట్ చేస్తోంది. ఒక్కోరోజూ ఒక్కో రకమైన డ్రస్ తో కట్టిపడేస్తోంది రకుల్. ఓ ఫంక్షన్ కి బ్లాక్ కలర్ స్లీవ్ లెస్ టాప్ లో వచ్చిన రకుల్.. ఫోటోలు అడిగితే మాత్రం వెనక్కి తిరిగి మరీ పోజులిచ్చి, క్లిక్ మనిపించమనింది. ముందు నుంచి చూస్తేనే మత్తెక్కించే ఈ వయ్యారి.. వెనక్కి తిరగడానికి కారణం.. ఆమె డ్రస్సే.

వెనకువైపంతా చక్కగా విండోస్ పెట్టించేసింది. ఆ విండోస్ ని ఓపెన్ గా పెట్టడంతో.. లోపలున్న తెల్లని దేహం మిలమిలా మెరిసిపోతూ కనిపిస్తోంది. బ్లాక్ డ్రస్ - వైట్ స్కిన్ టోన్ తో రకుల్ స్పెషల్ అట్రాక్షన్ అయిపోయింది. ప్రమోషన్లలోనే కాదు.. సినిమాలో ఇంకా అందంగా ఉంటానని అంటోందీ భామ. నాన్నకు ప్రేమతో చిత్రం కోసం సొంతంగా తెలుగు నేర్చుకుని డబ్బింగ్ కూడా చెప్పిన రకుల్.. ఈ మూవీలో చేసే అవకాశం రావడం తన అదృష్టం అనేసింది.