మెగా మూవీలో రకుల్ ఖాయమైంది

టాలీవుడ్ బ్యూటీ రకుల్ ప్రీత్ సింగ్ వరుసపెట్టి సినిమాలు అంగీకరించేస్తోంది. టాలీవుడ్ లో స్టార్ హీరోయిన్ ల కొరత ఉందేమో.. కాసింత బెటర్ భామను తెచ్చుకుందామని ప్రయత్నించే అందరికీ ఛాయిస్ రకుల్ ప్రీత్ అవుతోంది. పైగా బాలీవుడ్ భామలను ట్రై చేసి.. వర్కవుట్ అవని వాళ్లు కూడా రకుల్ వైపే తొంగి చూస్తున్నారు. అలా చివరకు మహేష్ మూవీని కూడా ఒప్పేసుకున్నాక.. షెడ్యూల్ టైట్ అయిపోయిన టైమ్ లో.. ఈ భామకు సాయి ధరం తేజ్ తో ఛాన్స్ వచ్చింది.

రీసెంట్ గా తిక్కను రిలీజ్ చేసిన తేజు.. ప్రస్తుతం నక్షత్రం మూవీలో యాక్ట్ చేస్తున్నాడు. కృష్ణవంశీ దర్శకత్వంలో తెరకెక్కుతున్న ఈ మూవీలో పోలీస్ ఆఫీసర్ గా స్పెషల్ రోల్ చేస్తుండగా.. తన కొత్త మూవీనీ ఆగస్ట్ 26న మొదలుపెట్టనున్నాడు. ఈ సినిమాలో హీరోయిన్ గా రకుల్ ప్రీత్ ఖాయమైందంటూ.. ఇప్పుడు నిర్మాత నల్లమలుపుబుజ్జి అధికారికంగా అనౌన్స్ చేసేశాడు. రకుల్ తో అగ్రిమెంట్ కూడా పూర్తయిందని ప్రొడ్యూసర్ చెప్పేయడంతో.. ఇక తేజు-రకుల్ ప్రీత్ కాంబినేషన్ పై డౌట్స్ అక్కర్లేకుండా పోయింది.

గోపీచంద్ మలినేని డైరెక్షన్ లో రూపొందుతున్న ఈ మూవీకి ప్రారంభానికి ముందే బజ్ కనిపిస్తోంది. ఇప్పటికే ఓవర్సీస్ రైట్స్ ని అమ్మేశారంటే.. సుప్రీమ్ హీరో స్పీడ్ అర్ధమవుతుంది. సాయి ధరం తేజ్ ని దర్శకుడు మరోసారి మాస్ అవతారంలో చూపించనుండా.. యాక్షన్ ఎంటర్టెయిన్మెంట్ జోనర్ లో ఈ సినిమా ఉండనుందిట.