బ్రూస్ లీ కూడా కిక్ ఇవ్వలేకపోయాడు

పంబాబీ పోరి రకుల్ ప్రీత్ సింగ్.. బ్లాక్ బస్టర్ కోసం చూస్తున్న ఎదురుచూపులు ఇంకా కొనసాగుతూనే ఉన్నాయి. పెద్ద సినిమాతో హిట్ కొట్టాలన్న కల ఇంకా నెరవేరలేదు. సురేందర్ రెడ్డి - రవితేజ కాంబినేషన్ లో వచ్చిన కిక్2 నిరాశాకరమైన ఫలితాన్ని మిగల్చడంతో.. బ్రూస్ లీ మీద రకుల్ చాలానే ఆశలు పెట్టుకుంది.

రకుల్ ఆశల సంగతేమో కానీ.. బాక్సాఫీస్ దగ్గర బ్రూస్ లీ ది ఫైటర్ జోరు అంతగా లేదనే చెప్పాలి. రామ్ చరణ్ - శ్రీను వైట్ల కాంబినేషన్ లో వచ్చిన ఈ మూవీ.. అంచనాలకు తగినట్లుగా కలెక్షన్లు రాబట్టడంలో సక్సెస్ కాలేకపోయింది. నిజానికి కిక్2 - బ్రూస్ లీ ల కోసం రకుల్ ప్రీత్ బాగా కష్టపడింది. మాస్ మహరాజుకు ఓ ఘాటైన లిప్ 2 లిప్ కిస్ ఇచ్చింది కిక్2లో.

ఇక బ్రూస్ లీ లో అయితే రకుల్ రెచ్చిపోయిందనే చెప్పాలి. గతంలో ఎన్నడూ కనిపించనంత గ్లామరస్ గా కనిపించి, తన అందాలను వీలైనంత మేర ఆరబోసింది. అయినా సరే ప్రేక్షకులను పెద్దగా ఆకట్టుకోలేకపోయింది. అయితే.. తన పాత్రకు, పెర్ఫామెన్స్ మాత్రం మంచి పేరు వచ్చిందని అంటోంది. ఇక అమ్మడి ఆశలన్నీ జూనియర్ ఎన్టీఆర్ మూవీ నాన్నకు ప్రేమతో - అల్లు అర్జున్ సరసన నటిస్తున్న సరైనోడు పైనే. వీళ్లయినా రకుల్ ప్రీత్ సింగ్ కోరికను తీరుస్తారో లేదో ?