పాపం..హాట్ ఫోటో షూట్‌ లు వేస్ట‌య్యాయే

ర‌కుల్ ప్రీత్ సింగ్ ఎంత క‌ష్ట‌ప‌డింది. అయ్యారి హిట్ అయితే... కొన్నాళ్ల పాటూ బాలీవుడ్‌లోనే మ‌కాం అనుకుంది. కానీ రిజ‌ల్ట్ వేరేలా వ‌చ్చింది. ఆ సినిమాలో క‌థే హీరోగా మారింది. సిద్ధార్ధ మ‌ల్హోత్రా - మనోజ్ బాజ్ పేయ్ పాత్ర‌ల‌కే పేరొచ్చింది. ర‌కుల్ పాత్ కేవ‌లం నామ‌మాత్రం. దీంతో ర‌కుల్ ఆశ‌ల‌న్నీ వ‌మ్మ‌య్యాయి.

అయ్యారి సినిమా కోసం చాలా క‌ష్ట‌ప‌డింది ర‌కుల్. ప్ర‌మోష‌న్ల‌లో కూడా చిట్టిపొట్టి దుస్తుల‌తో ఆక‌ట్టుకునేందుకు ప్ర‌య‌త్నించింది. సిద్ధార్థ మ‌ల్హోత్రాతో లైవ్‌ లో డ్యాన్సులు చేసింది, రొమాన్స్ చేసింది. అలాగే మాక్సిమ్ క‌వ‌ర్ పేజీ కోసం హాట్ హాట్ గా ఫోటోలు దిగింది. బికినీ వేసి ఫోటోలకు ఫోజిచ్చింది. బిగ్ బాస్ షోకు కూడా వ‌చ్చి స‌ల్మాన్ ఖాన్ తో ఆడిపాడింది. కానీ ఫ‌లితం మ‌రోలా వ‌చ్చింది. ర‌కుల్ కు క‌నీసం పేరు రాలేదు. దీంతో పాపం పాప చాలా హ‌ర్ట‌య్యింది. చివ‌రికి బికినీ ఫోటోషూట్ వీడియోను కూడా విడుద‌ల చేశారు. ఆ ఫోటోల‌ను - వీడియోల‌ను ఎంచ‌క్కా ఎంజాయ్ చేసి సినిమాను మాత్రం ప‌ట్టించుకోకుండా వ‌దిలేశారు. ఇక చేసేదేమీ లేక ర‌కుల్ త‌న ప‌నేదో తాను చూసుకుంటుంది. హాట్‌ ఫోటో షూట్‌ లు సినిమాకు జ‌నాల్ని ర‌ప్పించ‌వ‌ని నిరూప‌ణ అయిపోయింది.

రకుల్‌ తాజాగా తెలుగులోనూ ఓ రెండు ప్రాజెక్టుల్లో నటించేందుకు పచ్చజెండా ఊపిందని సమాచారం. నాగార్జున - నాని కలిసి నటిస్తున్న మల్టీస్టారర్ సినిమాలోనూ - నాని సినిమాలోనూ న‌టించేందుకు సిద్ధ‌మైంద‌ట‌. నితిన్‌ - శర్వానంద్‌ హీరోలుగా చేయ‌బోతున్న సినిమాలో కూడా ర‌కుల్‌ ను ఎంపిక చేసిన‌ట్టు తెలుస్తోంది.