రకుల్ ఫుల్ ఎగ్జైటెడ్ గా ఉందట..!

బ్యూటిఫుల్ రకుల్ ప్రీత్ సింగ్ కు ఈమధ్య సౌత్ లో ఏమీ పెద్దగా కలిసి రావడం లేదు. రకుల్ నటించిన సినిమాలు వరసగా ఫ్లాప్ అవుతూ ఉన్నాయి. చేతిలో కొన్ని మంచి తెలుగు సినిమా ఆఫర్లు ఉన్నాయి కానీ గతంలో కంటే కాస్త క్రేజ్ తగ్గిందన్నది మాత్రం వాస్తవం. అయితే ఈ భామ తమిళంలో రెండు.. హిందీలో రెండు క్రేజీ ప్రాజెక్టులలో నటిస్తోంది.

రకుల్ నటించే రెండు హిందీ సినిమాలలో ఒకటి 'దే దే ప్యార్ దే' కాగా రెండోది 'మన్మర్జియాన్'. ఇందులో 'దే దే ప్యార్ దే' లవ్ రంజన్ దర్శకత్వంలో తెరకెక్కుతున్న సినిమా. అజయ్ దేవగణ్.. టబు ఈ సినిమాలో మెయిన్ లీడ్స్. ఈ సినిమా మేలో ప్రేక్షకుల ముందుకు రానుంది. ఈ సినిమా గురించి రీసెంట్ గా తన అభిప్రాయాలు పంచుకుంది రకుల్. అజయ్ దేవగణ్.. టబు లాంటి సీనియర్..టాలెంటెడ్ ఆర్టిస్టులతో పని చేయాల్సి రావడంతో కష్టపడ్డానని తెలిపింది. పెద్ద హీరోల సినిమాల్లో హీరోయిన్లకు పెద్దగా చేసేందుకు ఏమీ ఉండదని అనుకుంటారు కానీ తన పాత్రకు చాలా ప్రిపేర్ కావలసి వచ్చిందట. దానికి తోడు అజయ్.. టబు ఇద్దరు ప్రతిభావంతులైన నటులు కాబట్టి తను కూడా తన బెస్ట్ ఇచ్చేందుకు ప్రయత్నించానని తెలిపింది. ఈ సినిమా రిలీజ్ కోసం ఫుల్ ఎగ్జైటెడ్ గా ఉన్నానని అంటోంది.

రకుల్ బాలీవుడ్ సినిమాలలో నటించడం ఇది మొదటిసారేమీ కాదు. గతంలో 'యారియాన్'.. 'అయ్యారి' సినిమాల్లో నటించింది. రకుల్ తెలుగులో నటించే సినిమాల విషయానికి వస్తే 'మన్మధుడు 2' లో అక్కినేని నాగార్జున సరసన హీరోయిన్ ఎంపికయిందని టాక్.