స్క్రిప్ట్ కూడా వినకుండానే ఓకె చెప్పిందా?

రకుల్ ప్రీత్ సింగ్ పేరు ఇప్పుడు టాలీవుడ్ లో మార్మోగిపోతోంది. వరుసగా స్టార్ హీరోలందరినీ చుట్టేస్తున్న ఈ కుర్ర బ్యూటీ ఇప్పుడు సూపర్ స్టార్ మహేష్ బాబు సరసన కూడా ఛాన్స్ దక్కించుకుంది. మహేష్ తో సినిమా కోసం హీరోయిన్స్ అంతా వెయిట్ చేస్తుంటే.. లాస్ట్ మినిట్ లో వైల్డ్ కార్డ్ టైపులో గ్రాండ్ ఎంట్రీ ఇచ్చేసింది రకుల్.

మహేష్ బాబు-మురుగదాస్ కాంబినేషన్ లో రూపొందే సినిమా ఆఫర్ రాగానే.. స్క్రిప్ట్ కూడా వినకుండానే ఒప్పేసుకుందట రకుల్ ప్రీత్. ఈ విషయాన్ని తనే స్వయంగా చెప్పింది. 'మహేష్ బాబు.. మురుగదాస్ ల సినిమాల్లో చేయడమంటే అదో డ్రీమ్ లాంటింది. వాళ్లిద్దరూ కలిసి చేస్తున్న సినిమాలో అంటే ఇక ఆలోచించాలా? నాకు మురుగదాస్ పై పూర్తి నమ్మకం ఉంది. నా పాత్రను అద్భుతంగా తీర్చిదిద్దుతారని అనుకుంటున్నా. అందుకే స్క్రిప్ట్.. కథ లాంటివేమీ అడక్కుండానే ఓకే చెప్పేశా' అంటోంది రకుల్ ప్రీత్ సింగ్.

మొదట ఈ మూవీలో పరిణీతి చోప్రాని హీరోయిన్ అనుకున్నారు కానీ.. ఆమె డేట్స్ సర్దుబాటు చేయలేకపోయింది. ప్రస్తుతం ఆమెకున్న కమిట్మెంట్స్ కారణంగా బల్క్ డేట్స్ ఇచ్చే అవకాశం లేకపోవడంతో.. ఈ ఛాన్స్ మిస్ చేసుకుంది పరిణీతి. రకుల్ ప్రీత్ సింగ్ మహేష్ మూవీ షూటింగ్ కి ఆగస్ట్ చివర్లో జాయిన్ కానుంది.