మేకప్‌ లేకుండా రకుల్‌ ప్రయోగం

ఇప్పుడు రకుల్ ప్రీత్ సింగ్ ని టాలీవుడ్ మోస్ట్ లక్కీయెస్ట్ డాళ్ అనాల్సిందే. వరుసగా అగ్ర హీరోలతో సినిమాలు చేయడమే పెద్ద విషయం అయితే.. ఈ భామ ఒకేసారి టాప్ స్టార్లతో ఛాన్సులు పట్టేసింది. రవితేజ పక్కన కిక్2 - రామ్ చరణ్ పక్కన బ్రూస్ లీ - ఎన్టీఆర్ సరసన నాన్నకు ప్రేమతో - అల్లు అర్జున్ తో సరైనోడు.. ఈమె రీసెంట్ రిలీజ్ లతో పాటు.. క్యూలో ఉన్న సినిమాల లిస్ట్ ఇది.

నాన్నకు ప్రేమతో మూవీలో సొంతగా డబ్బింగ్ చెప్పుకుని కొత్త ప్రయోగం చేసింది. ఇందు కోసం తెలుగు మాడ్యులేషన్ తోపాటు, అన్ని పదాలకు అర్ధం తెలుసుకుని, మాట్లాడ్డం నేర్చుకుని మరీ డబ్బింగ్ చెప్పింది. ఒక మూవీ కోసం ఇంతగా కష్టపడ్డంతో ఈమె అప్ గమింగ్ స్టార్ హీరోయిన్ కు అభినందనలు బాగానే వచ్చాయి. ఇదే ఓ ప్రయోగం అంటే.. ఇప్పుడు మేకప్ లేకుండా యాక్టింగ్ చేసేస్తూ మరో ఎటెంప్ట్ చేస్తోంది రకుల్ ప్రీత్ సింగ్.

అల్లు అర్జున్ సరసన చేస్తున్న సరైనోడు మూవీలో రకుల్ చేస్తున్నది ఈ మారుమూల గ్రామానికి చెందిన యువతి పాత్ర. చాలా తక్కువగా మాట్లాడుతూ.. భావోద్వేగాల ఆధారంగా నడిచే రోల్ ఇది. ఈ కేరక్టర్ కోసం మేకప్ లేకుండా నటిస్తోంది రకుల్. గ్లామరస్ రోల్స్ తర్వాత.. వెంటనే వితౌట్ మేకప్ నటించడమంటే రకుల్ ధైర్యాన్ని పొగడాల్సిందే. ఇక నెక్ట్స్ నితిన్ తో ఓ సినిమా చేస్తున్నానంటూ చెప్పి.. తన స్టార్ లీగ్ ని కంటిన్యూ చేస్తోంది రకుల్ ప్రీత్ సింగ్.