పండగ మూమెంట్ లో ఇంప్రెస్ చేస్తుందా?

అందం ఉంటె సరిపోదు. సినిమా లైఫ్ లో కాస్త అదృష్టం కూడా ఉండాలి. అంతకు మించి కష్టపడే తత్వం ఉండాలి. ఇండస్ట్రీలో ప్రతి ఒక్కరు ఆ దారులన్నిటిని దాటొచ్చినవారే.. అయితే స్పీడ్ గా వచ్చిన వారు మాత్రం కొందరే ఉంటారు. అటువంటి వారిలో అందం అదృష్టం కలబోసిన ముద్దుగుమ్మ రకుల్ ప్రీత్ సింగ్ ఒకరు. మోదట్లో అలా ఓ రెండు హిట్లు అందాయో లేదో అమ్మడు స్టార్ హీరోలతో ఛాన్సులు దక్కించుకుంది.

2015 లో వరుసగా నాలుగు అపజయాలతో సతమతమైన ఈ భామ గత ఏడాది నుంచి ఇప్పటివరకు ఏ మాత్రం తగ్గకుండా బాక్స్ ఆఫీస్ హిట్స్ అందుకుంటోంది. కుర్ర హీరోలు స్టార్ హీరోలు అని తేడా లేకుండా అందరితోనూ నటిస్తూ.. మంచి గుర్తింపు తెచ్చుకుంటోంది. ఇక ఇన్నేళ్ల కెరీర్ లో అమ్మడు మొదటి సారి ఓ భారీ బడ్జెట్ సినిమాలో నటిస్తోంది. టాలీవుడ్ సూపర్ స్టార్ మహేష్ బాబు - స్పైడర్ సినిమాలో చేస్తున్న సంగతి తెలిసిందే.. అయితే మొన్నటి వరకు టాలీవుడ్ లో బిజీ అయిన రకుల్ ఈ సినిమాతో అక్కడ కూడా బిజీ అవ్వాలని అనుకుంటోంది.

ఇక తమిళ్ హీరో కార్తీ నటిస్తున్న ఖాకి సినిమాలోను హీరోయిన్ గా చేస్తోంది. విశేషమేమిటంటే స్పైడర్ 27న థియేటర్స్ లోకి వస్తున్న సంగతి తెల్సిందే. ఇక అదే రోజు ఖాకి టీజర్ ను కూడా రిలీజ్ చేయనుందట రకుల్. స్పైడర్ పై భారీ స్థాయిలో అంచనాలు ఉన్నాయి గనక సినిమా క్లిక్ అయితే ఖాకి కూడా క్లిక్ అయినట్టే. ఖాకీ టీజర్ కూడా అందరినీ ఇంప్రెస్ చేస్తే రకుల్ కి పండగ మూమెంట్ లో రెండు బంపర్ ఆఫర్స్ దక్కినంటే!!