స్టార్ హీరోయిన్ వర్క్ లేక అల్లాడిపోయింది.. ఇప్పుడు హ్యాపీనట!

సినీతారల లైఫ్ అంటేనే ఎల్లప్పుడూ షూట్స్ - షూటింగ్స్ అంటూ బిజీగా గడుపుతుంటారు. అటు సినిమాలు కాకపోతే వెబ్ సిరీసులు అన్నట్లుగా నేటి పరిస్థితులు నెలకొన్నాయి. ఎందుకంటే ఇదివరకు కేవలం సినిమాలకే ఎక్కువగా ప్రాధాన్యత ఇచ్చేవారు హీరోయిన్స్. కానీ ఎప్పుడైతే ఓటిటిలు వెలుగులోకి వచ్చాయో.. అప్పటినుండి వెబ్ సిరీసులు.. వెబ్ సినిమాలకు ఆదరణ పెరిగిపోయింది. అందులోను జూనియర్స్ సీనియర్స్ అనే తేడా లేకుండా సినీ సెలబ్రిటీలు సైతం డిజిటల్ స్క్రీన్ వైపు మళ్లుతున్నారు. అదిగాక ఈ మధ్యలో సినిమాలు రిలీజ్ అయ్యేందుకు అవకాశం లేకపోవడంతో హీరోయిన్స్ కూడా ఓటిటి ప్రాజెక్ట్ లకు ఓకే చెబుతున్నారు.

అయితే లాక్ డౌన్ సమయంలో ఎలాంటి షూటింగ్స్ లేకపోయే సరికి పలువురు హీరోయిన్స్ చాలా ఫీల్ అయ్యారు. అలాంటి వారిలో హీరోయిన్ రకుల్ ప్రీత్ సింగ్ కూడా ముందు వరుసలో ఉంది. అలాగే 'లాక్డౌన్ కారణంగా ఏమి తోచట్లేదు.. ఎప్పుడెప్పుడు షూటింగ్స్ మొదలవుతాయో.. ఇంకా నేను ఇంట్లో ఉండలేకపోతున్నా' అంటూ రకుల్ ఇటీవలే పోస్ట్ పెట్టి తన ఇబ్బందిని బయటకి చెప్పుకుంది. అయితే ఇప్పుడిప్పుడే కరోనా ప్రభావం తగ్గడంతో సినిమాలు వెబ్ సిరీస్ షూటింగ్స్ మొదలవుతున్నాయి. ఈ క్రమంలో అమ్మడు తాజాగా షూటింగ్ లో పాల్గొని హ్యాపీ మోడ్ లో ఉన్నట్లు ఇంస్టాగ్రామ్ లో పోస్ట్ పెట్టింది.

ఇటీవలే రకుల్ ఏదో సినిమా షూటింగ్ లో పాల్గొంది. కానీ ఏ సినిమా అనేది మాత్రం వివరాలు బయటపెట్టలేదు. కానీ ఆమె పోస్ట్ చేసిన వీడియోలో మాత్రం రకుల్ మేకప్ వేసుకుంటూ.. మేకప్ మ్యాన్ హెయిర్ స్టైలింగ్ చేస్తున్నట్లుగా చూడవచ్చు. ఆ వీడియో పోస్ట్ చేస్తూ రకుల్.. 'వర్క్ మోడ్ ఈజ్ హ్యాపీ మోడ్' అంటూ కాప్షన్ జోడించింది. ప్రస్తుతం రకుల్ మేకప్ వీడియో సోషల్ మీడియాలో వైరల్ అవుతోంది. అమ్మడి చేతిలో ప్రెసెంట్ నాలుగు బాలీవుడ్ సినిమాలు ఉన్నాయి. ఎటాక్.. మేడే.. థాంక్ గాడ్ సినిమాలతో పాటు 'డాక్టర్ జి' సినిమాలు లైనప్ చేసింది. తెలుగులో అయితే క్రిష్ దర్శకత్వంలో ఓ సినిమా చేసింది. ఆ సినిమా ప్రస్తుతం విడుదలకు రెడీ అవుతోంది. అలాగే తమిళంలో రెండు సినిమాలు చేస్తోంది.