రకుల్ మళ్ళీ పుంజుకుంటుందా..?

ప్రతి ఏడాది అందరికీ కలిసొస్తుందనే రూల్ ఏమీ లేదు. జాతకాలు.. గ్రహాలు లాంటివి నమ్మినా నమ్మకపోయినా లాస్ట్ ఇయర్ లో ఏం చేశామో ఒకసారి చూసుకుంటే చాలు మనకు 'జాతకం' తెలిసిపోతుంది. నార్త్ బ్యూటీ రకుల్ ప్రీత్ సింగ్ కెరీర్ ఎంత ఫాస్ట్ గా పైపైకి దూసుకెళ్ళిందో అందరికీ తెలుసు. కానీ 2017 లో రిలీజ్ అయిన 'స్పైడర్' మాత్రం రకుల్ స్పీడుకు పెద్ద బ్రేకులు వేసింది.

మహేష్ బాబు - మురుగదాస్ కాంబినేషన్లో తెరకెక్కిన 'స్పైడర్' పై రకుల్ భారీగా నమ్మకం పెట్టుకుందిగానీ ఆ సినిమా డిజాస్టర్ గా నిలవడంతో రకుల్ ఆశలన్నీ అడియాశలయ్యాయి. అప్పటినుండి ఇప్పటివరకూ రకుల్ నటించిన ఒక్క స్ట్రెయిట్ తెలుగు సినిమా కూడా విడుదల కాలేదు. అంటే 2018 అంతా ఒక్కస్ట్రెయిట్ సినిమా రిలీజ్ లేదు. ఇక కొత్త ఏడాదిలో రిలీజ్ కానున్న రకుల్ సినిమాలన్నీ తమిళ డబ్బింగే. ఎన్టీఆర్ బయోపిక్ లో శ్రీదేవి పాత్రలో నటిస్తున్నప్పటికీ ఆ సినిమాలో క్యామియో లాంటిదే.

ఈ సినిమా కాకుండా మరో రెండు సినిమాలలో హీరోయిన్ గా అనుకుంటున్నారని వార్తలు వస్తున్నాయిగానీ అధికారికంగా మాత్రం ఇంకా కన్ఫర్మేషన్ లేదు. ఆ సినిమాలు 'వెంకీమామ'.. నితిన్ - చంద్రశేఖర్ యేలేటి కాంబినేషన్ లో తెరకెక్కుతున్న చిత్రం. మరి పోయినేడాది లాగానే డబ్బింగ్ సినిమాలతో సరిపెట్టుకుంటుందా లేదా స్ట్రెయిట్ సినిమాలలో నటించి విజయం సాధిస్తుందా వేచి చూడాలి.