రకుల్ కి మెగా ట్యాగ్ ఫైనల్

మెగా హీరోయిన్ అనే ఓ ట్యాగ్ కోసం వయ్యారి భామలు బోలెడంత ఉత్సాహం చూపిస్తూ ఉంటారు. నిజానికి అదేమీ ట్యాగ్ కాదు.. ఓ బ్రాండ్. ఆ విషయంలో మెగా కాంపౌండ్ లోకి అడుగు పెట్టిన హీరోయిన్లకు బాగానే అర్ధమవుతుంది. అందుకే అంతగా పాకులాడతారు. ఇప్పుడైతే మెగా హీరోయిన్ అనే ట్యాగ్ ను.. ఒక్క రకుల్ ప్రీత్ సింగ్ మాత్రమే క్యారీ చేస్తోంది. ఎందుకలా అనుకుంటే.. ఆమె చేస్తున్న సినిమాల జాబితా చూస్తే క్లారిటీగా అర్ధమవుతుంది.

రీసెంట్ గా స్టైలిష్ స్టార్ అల్లు అర్జున్ తో కలిసి సరైనోడు అంటూ బ్లాక్ బస్టర్ కొట్టింది రకుల్. ఇప్పుడు రామ్ చరణ్ సరసన ధృవ చిత్రంలో కూడా చేసేస్తోంది. ఇప్పటికే చెర్రీతో కలిసి బ్రూస్ లీ మూవీలో ఓసారి ఆడిపాడింది. ఇక సాయి ధరం తేజ్ మూవీలోను, నాగబాబు తనయుడు వరుణ్ తేజ్ సినిమాలోను హీరోయిన్ గా రకుల్ ప్రీత్ సింగ్ నే ఫైనల్ చేశారు.

ఇవన్నీ కాక ఇప్పుడో మేజర్ న్యూస్ ఒకటి వచ్చింది. పవర్ స్టార్ పవన్ కళ్యాణ్ చేస్తున్న నెక్ట్స్ పిక్చర్ లో రకుల్ నే హీరోయిన్ గా తీసుకున్నారన్నది లేటెస్ట్ టాక్. మరి లీడ్ హీరోయినా లేక సెకండ్ హీరోయినా అన్న సంగతి ఫైనల్ కాలేదు కానీ.. పవన్ సినిమాలో ప్లేస్ మాత్రం ఫిక్స్ అయిందట. గతంలో తమన్నా - కాజల్ - శృతి హాసన్ లు పవన్ - చరణ్ - బన్నీలతో కలిసి నటించారు. కానీ రకుల్ మాత్రం వాళ్లకంటే రెండాకులు ఎక్కువే. అందుకే మరో ఇద్దరు మెగా హీరోలను కూడా కవర్ చేసేస్తోంది.